विषय – ई-फेराफार व ई-चावडी प्रकल्प स्थायी समिती स्थापन करणे बाबत

विषय – ई-फेराफार व ई-चावडी प्रकल्प  स्थायी समिती स्थापन करणे बाबत

                 संदर्भ – जमाबंदी आयुक्त यांचे सोबतची बैठक दि.८.६.२०२१

              आपले दि. ३१.५.२०२१ चे संदर्भीय निवेदनाचे अनुषंगाने मा. जमाबंदी आयुक्त व संचालक महाराष्ट्र राज्य, पुणे यांचे अध्यक्षतेखाली झालेल्या बैठकीतील चर्चेप्रमाणे काही महत्वाचे निर्णय घेतले आहेत त्यापैकी ई-फेरफार व ई-चावडी प्रकल्प स्थायी समितीची स्थापना हा एक निर्णय आहे.

             मा. जमाबंदी आयुक्त यांचे निर्देशांप्रमाणे ई फेरफार प्रणालीत देण्यात आलेल्या सुविधा या पुढे होणाऱ्या सुधारणा आणि काळानुरूप आवश्यक वाटणारे तसेच जनतेला अचूक, तत्पर व पारदर्शी सेवा देण्यासाठी तसेच तलाठी मंडळ अधिकारी व अन्य वापरकर्ते यांचे कामात आवश्यक अशी सुलभता येण्यासाठी करावे लागणाऱ्या बदलांचा अभ्यास करून त्याची उपयुक्तता आणि सुसंगतता तपासून त्या लागू करण्यासाठी तशी शासनाला शिफारस करण्यासाठी जमाबंदी आयुक्त व संचालक भूमी अभिलेख महाराष्ट्र राज्य, पुणे यांचे अध्यक्षतेखाली ई-फेरफार व ई-चावडी प्रकल्प स्थायी समिती नियुक्त करण्यात येणार आहे. या समिती मध्ये उप आयुक्त महसूल, अप्पर जिल्हाधिकारी, उपजिल्हाधिकारी, तहसीलदार व नायब तहसीलदार यांचे प्रतिनिधित्व असणार आहे त्यासोबतच तलाठी व मंडळ अधिकारी यांचे प्रतिनिधित्व करण्यासाठी या संपूर्ण प्रक्रियेत सक्रीय सहभाग घेतील आणि त्यासाठी पुरेसा वेळ देवू शकतील असे प्रत्येक महसूल विभागाचे प्रतिनिधित्व करणारे एक असे सहा तलाठी / मंडळ अधिकारी यांची नावे समन्वय महासंघाच्या वतीने तात्काळ इकडे कळवावीत असे कळविण्याचे निर्देश मला आहेत. तरी आपण अशा सहा प्रतिनिधींची संपूर्ण नावे, पदनाम, ई मेल आय डी, मोबाईल नम्बर व पूर्ण पत्ते ई माहिती तातडीने कळवावीत ही विनंती.

                                                 आपला स्नेहांकित,

                                                  (रामदास जगताप)

                                      उपजिल्हाधिकारी व राज्य समन्वयक ई-फेरफार

                                               जमाबंदी आयुक्त कार्यालय, पुणे