कलम 155 प्रमाणे खाता दुरुस्तीची सुविधा देणेबाबत. दि. १६.११.२०१८

मार्गदर्शक सूचना क्रमांक - 78. रा.भू.अ.आ.का/रा.स./कावि/78/२०१8 जमाबंदी आयुक्त आणि संचालक भूमी अभिलेख (म.राज्य) पुणे यांचे कार्यालय दिनांक:- १६.११.२०१८ प्रति, उपजिल्हाधिकारी तथा डि.डि.ई. (सर्व.) विषय :- कलम 155 प्रमाणे दुरुस्तीच्या सुविधा. खाता दुरुस्तीची सुविधा देणेबाबत. संदर्भ :- या कार्यालयाचे पत्र क्र.रा.भू.अ.आ.का.4/कलम 155 नुसार दुरुस्ती/2018 दिनांक 10/10/2018. महोदय, कृपया संदर्भीय पत्राचे अवलोकन व्हावे. संगणकीकृत 7/12 व ८ अ अचूक होण्यासाठी त्रुटीमुक्त असणे आवश्यक आहे. कोणत्याही गांवात घोषणापत्र-३ झाल्यानंतर पुन्हा एडिट/ ओडीयु सारख्या सुविधा वापरता येत नाहीत. त्यासाठी संदर्भीय पत्रात नमुद केल्याप्रमाणे महाराष्ट्र जमीन महसूल अधिनियम 1966 चे कलम 155 अन्वये दुरुस्तीच्या नऊ सुविधा उपलब्ध करुन देण्यात आल्या आहेत. तथापि त्यातील अनुक्रमांक १ ची सुविधा आदेशाने खात्यात दुरुस्ती सुविधा स्वतंत्र मॉडयुल स्वरुपात देण्यात आली आहे. सदरची सुविधा तलाठी यांना आपल्या जिल्हयाच्या नियमित आय.पी. अड्रेस नंतर / khata-durusti असे नमुद केलेल्या लिंकवर स्वतंत्र मॉडयुल स्वरुपात दिनांक 03/11/2018 पासुन उपलब्ध करुन दिली आहे. त्यामध्ये एडिट मॉडयुल प्रमाणे खात्यात दुरुस्ती साठी खालील सुविधा उपलब्ध आहेत. 1. नविन नांवे समाविष्ट करणे. 2. नांवे काढणे. 3. नावांचे स्पेलिंग दुरुस्ती करणे. 4. खाता प्रकार बदलणे. 5. 7/12 व खाता रजिष्टर मधील नावांचा फरक दुरुस्त करणे. 6. खाता क्रमांक निवडक सर्व्हे क्रमांकावरुन वगळणे. या पैकी अनु . क्र. १ ते ५ चा अंमल त्या खात्यातील सर्व सर्वे नंबर ला होईल मात्र अनु. ६ प्रमाणे खाते ज्या गटावरून वागले असेल त्याचा अंमल फक्त त्या सर्वे वर होईल . ह्याची निंद घ्यावी सदरची सुविधा तलाठयाला जिल्हयाचा IP/khata-durusti या लिंकवर मिळेल. खाता दुरुस्ती या मॉडयुलच्या मेनुमध्ये - १. 7/12 पाहुन खाता दुरुस्ती. २. खाता दुरुस्ती काम संपल्याची घोषणा करणे. ३. तहसिलदार यांचा दुरुस्त्या मान्यतेचा आदेश व परिशिष्ट-क क्रमांक तयार करणे. ४. फेरफार क्रमांक तयार करणे. अशा सुविधा आहेत. कोणत्याही सर्व्हे नंबरवरील खात्याशी संबंधित सर्व दुरुस्त्या पुर्ण झालेनंतर गरज असल्यास त्या खात्याशी संबंधित अन्य सर्व्हेनंबर वरील दुरुस्त्या पुर्ण कराव्यात व त्यानंतर सर्व खात्याची दुरुस्ती प्रक्रिया पुर्ण झाली हा option वापरावा. खाते समाविष्ट करण्यापुर्वी अशी खाती ई-फेरफार प्रणालीतील मेनू मधुन नविन खाते तयार करणे या पर्यायातुन तयार करुन ठेवावीत. त्यानंतर खाता दुरुस्ती काम संपल्याची घोषणा करावी मात्र हे करत असताना जर त्या खात्याशी संबंधित काही सर्व्हे नंबर वर खाता दुरुस्तीचे काम केले नसल्यास तेथे अशा सर्व्हे नंबरची यादी दाखवून लाल अक्षरामध्ये “ खाता दुरुस्तीचे काम संपल्याची घोषणा करण्यासाठी खालील दर्शविलेल्या खाता क्रमांकावर असलेले सर्व्हे नंबर खाता दुरुस्तीसाठी निवडुन त्या संबंधीत सर्व्हे नंबरवरील योग्य त्या दुरुस्त्या करुन केलले काम साठविणे आवश्यक आहे. ” असा मेसेज येईल. सर्वे निहाय केलेल्या दुस्त्या फक्त त्या सर्वे क्रमांकावर होतील मात्र खाता दुरुस्ती तील अनु १ ते ५ च्या दुरुस्त्या खात्यातील सर्व सर्वे नंबर वर होतील ह्याची नोंद घ्यावी . त्यानंतर “ तहसिलदारांचा दुरुस्त्या मान्यतेचा आदेश व परिशिष्ट-क ” तयार करणे हा पर्याय वापरुन परिशिष्ट-क तयार करावे व त्याच्या दोन प्रती प्रिंट आऊट काढुन तहसिलदार यांची ऑनलाईन मान्यता (Biometric Login) घ्यावी व परिशिष्ट-क चा आदेश स्वाक्षरीत करुन ( पहिले पान व परिशिष्ट-क चे शेवटचे पानावर सही घ्यावी ) त्याची एक प्रत मंडळ अधिकारी यांना फेरफार प्रमाणित करण्यासाठी उपलब्ध करुन देण्यात यावी. तहसिलदार मान्यता व मंडळ अधिकारी यांचे फेरफार प्रमाणीकरणाचे काम ई-फेरफार प्रणालीतुन महाराष्ट्र जमीन महसुल अधिनियम 1966 चे कलम 155 अन्य दुरुस्ती सुविधाप्रमाणे आहे. या खाता दुरुस्ती पर्यायांची योग्य माहिती तलाठी यांना करुन द्यावी. विशेषत: URL समजुन सांगावी तरच दुरुस्तीचे काम करता येईल याची नोंद घ्यावी. उदा . रायगड जिल्ह्यासाठी https://10.187.202.74/khata_durusti सोबत खाता दुरुस्ती प्रक्रियेचे User Manual जोडले आहे. अन्य महाराष्ट्र जमीन महसुल अधिनियम 1966 चे कलम 155 च्या दुरुस्ती या सुविधाप्रमाणे MIS मधुन पाहता येईल. सूचना सर्व वापरकर्ते यांचे निदर्शनास आणाव्यात ही विनंती. आपला विश्वासू, ( रामदास जगताप ) राज्य समन्वयक, ई-फेरफार प्रकल्प जमाबंदी आयुक्त कार्यालय (म.राज्य) पुणे. प्रत:- उप आयुक्त (महसूल) , विभागीय आयुक्त कार्यालय . (सर्व.) उप विभागीय अधिकारी (सर्व.) यांना माहितीसाठी व उचित कार्यवाहीसाठी.