सुधारित संगणकीकृत ७/१२ मधील बदल , मोबाईल ॲप व ई चावडी प्रणाली बाबत डोमेन टीम चे अभिप्राय घेण्यासाठी ऑनलाईन मीटिंग घेणे बाबत

                                 विषय- सुधारित संगणकीकृत ७/१२ मधील बदल , मोबाईल ॲप व ई चावडी प्रणाली बाबत डोमेन टीम चे अभिप्राय  घेण्यासाठी ऑनलाईन मीटिंग घेणे बाबत
  

 संदर्भीय शासन निर्णयान्वये  शासनाने गाव नमुना नं७/१२ व ८(अ) मध्ये वरच्या बाजूला मध्यभागी  महाराष्ट्र शासनाचा लोगो व ई-महाभूमी प्रकल्पाच्या लोगोचा वाटरमार्क टाकण्यास मान्यता दिली आहे. त्याप्रमाणे विहित गाव नमुना नं.७/१२ मध्ये यथोचित बदल करणेत आला आहे त्याचवेळी सध्याचा गाव नमुना नं.७/१२ मध्ये कालानुरूप काही बदल करून तो सामान्य माणसाला समजण्यासाठी अधिकसोपा होण्यासाठी संगणकीकृत ७/१२  मध्ये खालीलप्रमाणे बदल करण्यात आले आहेत.
१.       गाव नमुना नं. ७ मध्ये गावाचे नावासोबत  LGD (Local Governmnt Directory) कोड दर्शविण्यात येईल.२.       गाव नमुना नं.७ मध्ये अ) लागवडीयोग्य क्षेत्र व ब) पोट खराब क्षेत्र या सोबत एकूण क्षेत्र (अ+ब) दर्शविण्यात येईल.३.       नमुना ७ मध्ये नमूद क्षेत्राचे एकक काय आहे? हे समजण्यासाठी क्षेत्राचे एकक हा स्वतंत्र रकाना समाविष्ट करण्यात येत आहे. यात शेती क्षेत्रासाठी हे.आर.चौ.मी. आणि बिनशेती क्षेत्रासाठी आर.चौ.मी.हे एकक वापरले जाईल.
४.       नमुना ७ मध्ये खाते क्रमांक या पूर्वी इतरहक्क रकान्यासोबत कंसात नमूद केला जात असे तो आता खातेदार / खातेदारांच्या नावासोबतच नमूद केला जाईल.५.       नमुना ७ मधील मयत खातेदार अथवा संपूर्ण क्षेत्र विक्री केलेले खातेदार व इतरहक्कातील कमी केलेले कर्ज बोजे अथवा ई-कराराच्या नोंदी कंस करून दर्शविल्याजात होत्या, आत्ता  ती कमी केलेली नावेव नोंदी कंस करून त्यावर एक आडवी रेषामारून खोडून (strike through) दर्शविण्यात येतील.६.       कोणत्याही नमुना ७ वर नोंदवलेले परंतु निर्गत न झालेले फेरफार (प्रलंबित असे पर्यंत) प्रलंबित फेरफार म्हणून इतर हक्क रकान्याच्याखाली स्वतंत्र रकान्यात दर्शविण्यात येतील. संबंधित भूमापन क्रमांक व उपविभाग क्रमांकावर एकाही फेरफार प्रलंबित नसल्यास प्रलंबित फेरफार नाही असे दर्शविण्यात येईल.७.       कोणत्याही नमुना ७ वर नोंदविण्यात आलेला शेवटचा फेरफार क्रमांक व त्याचा दिनांक इतरहक्क रकाण्याचे खाली शेवटचा फेरफार क्रमांक व दिनांक या नवीन समाविष्ट रकान्यात दर्शविण्यात येईल. फेरफार घेण्याची प्रक्रिया ई फेरफार प्रणालीद्वारे ऑनलाईन सुरु झाल्यापासून एखद्या स.नं / गट नं. वर एकही फेरफार नोंदविला नसल्यास शेवटचा फेरफार क्रमांक व दिनांक या रकान्यात काहीही दर्शविले जाणार नाही.
८.       या नमुना ७ वरील सर्व जुने फेरफार क्रमांक नमुना ७ वर सर्वात शेवटी जुने फेरफार क्रमांक या नवीन रकान्यात एकत्रीतरित्या दर्शविण्यात येतील.
९.       शेती क्षेत्रासाठी व बिनशेती क्षेत्रासाठी स्वतंत्र गाव नमुने थोडासा बदल करून दर्शविण्यात येतील.
१०.   नमुना ७ मधील कोणत्याही दोन खात्यातील नावांचे मध्ये डॉटेड लाईन छापण्यात येईल त्यामुळे खातेदारांचे नावामध्ये अधिक स्पष्टता येईल.
११.   नमुना १२ मध्ये ज्या रकान्यात कोणतीही माहिती नाही असे मिश्रणाचा संकेतांक, अजलसिंचीत व जलसिंचीत हे तीन रकाने छापण्यात येणार नाहीत.
१२.   बिनशेती क्षेत्राचे नमुना ७ साठी नमुना १२ ठेवणे आवश्यक नसल्याने बिनशेती क्षेत्रासाठी नमुना १२ छापला जाणार नाही. व त्यावर सदरचे क्षेत्र अकृषक क्षेत्रामध्ये रुपांतरीत झाले असल्याने  या क्षेत्रासाठी गाव नमुना न.१२ ची आवश्यकता नाही अशी सूचना छापण्यात येईल.