मोठ्या क्षेत्राचे ७/१२ वर फेरफार घेण्यासाठी तहसीलदार यांची अनुमती घेणे बाबत

नमस्कार मित्रांनो , 

विषय - मोठ्या क्षेत्राचे ७/१२ वर फेरफार घेण्यासाठी तहसीलदार यांची अनुमती घेणे बाबत (ODC अहवाल ३१ ) 

      ७/१२ संगणकीकरण करताना काही ७/१२ वरील क्षेत्र  भरताना व एकक निवडताना  झालेल्या चुका तसेच काही ठिकाणी ई फेरफार प्रणालीतून क्षेत्र रुपांतरीत करताना कार्यपद्धती व्यवस्थित लक्षात न आलेने राज्यातील अनेक जिल्ह्यात २० हेक्टर पेक्षा जास्त क्षेत्राचे शेतीचे ७/१२ व ९९ आर पेक्षा जास्त क्षेत्राचे ७/१२ काही गावात असलेचे दिसून येतात . काही जिल्ह्यात तर लाखो हेक्टर क्षेत्र असलेले ७/१२ आढळून आले होते म्हणूनच odc मध्ये त्यासाठी अहवाल ३१ देण्यात आला आहे . 

   असे मोठ्याक्षेत्राचे ७/१२ चे प्रत्यक्ष क्षेत्र व एकक पाहून खात्री केली असता ते क्षेत्र व एकक योग्य असल्यास असे ७/१२ फेरफार घेण्यासाठी एकदाच तहसीलदार यांचे कडून कन्फर्म करून घेतल्यास असा ७/१२ कितीही क्षेत्राचा असलातरी त्यावर फेरफार घेण्यासाठी अथवा अन्य कोणत्याही कामासाठी अश्या ७/१२ वर एरर येणार नाही अथवा तो पुन्हा कान्फर्म करण्याची आवश्यकता असणार नाही . तसेच काही ७/१२ वरील क्षेत्र व एकक दुरुस्त करण्यासाठी कलम १५५ अथवा ई फेरफार मधून फेरफार घेवून दुरुस्ती करावी . काही ७/१२ वर १०० किंवा २०० हेक्टर सुद्दा क्षेत्र असू शकते उदा , वन जमीन , कारखाना जमीन , गायरान जमीन किंवा धरण / तलाव , कालवा इत्यादी चे ७/१२ . मोठ्या क्षेत्राचे असल्यास ते तहसीलदार यांचे कडून एकदाच कन्फर्म करून घेतल्यास पुन्हा या बाबत विचारणा होणार नाही . 

   या साठी ऑनलाईन विनंती तलाठी यांनी तहसीलदार यांना केली तरीही काही ठिकाणी असे ७/१२ कन्फर्म करण्यासाठी तहसीलदार लोगिन ला उपलब्ध होत नाहीत त्यासाठी आज पासून नवीन सुधारणा केली असून ती स्वतंत्र URL वर टेस्टिंग साठी खालील लिंक वर उपलब्ध करून दिली आहे .

https://mahaferfarnas.enlightcloud.com/eferfar2beta


 कृपया वापरून पहा व आपला अभिप्राय कळवावा .

Sir

या बाबतची प्रक्रिया आपल्याला समजावावी म्हणून त्याचे युजर MANUAL द्खील पाठविनेत येत आहे ,   सदरच्या सूचना सर्व तलाठी व मंडळ अधिकारी यांचे निदर्शनास आणाव्यात हि विनंती .

आपला 

रामदास जगताप 

दि . ४,९,२०१९