अचूक ७/१२ व ८ अ च्या डेटाबेस साठी ODC अहवाल १ ते ४१ निरंक करणे.

 ई- फेरफार प्रणाली मधील संगणकीकृत ७/१२ ची अचूकता निश्चित करण्यासाठी राज्यभरात विभागाच्या वतीने चावडी वाचनासह एडीट मोडुल, री-एडीट मोडुल द्वारे ७/१२ मधील दुरुस्तीची कार्यवाही केलेली आहे. असे असूनही अजून देखील ७/१२ मध्ये असलेल्या त्रुटी दूर करण्यासाठी महारष्ट्र जमीन महसूल अधिनियामांतर्गत कलम १५५ अन्वये च्या आदेशाने दुरुस्ती करण्यात येत आहे. संगणकीकृत ७/१२ च्या डेटाबेस मधील गाव नमुना नं.१ (आकारबंद), गाव नमुना नं.७/१२, गाव नमुना नं. ८अ मधील विसंगती निश्चित करण्यासाठी ODC मोडुल मध्ये अहवाल १ ते ४१ अहवाल देवून त्यात महत्वाच्या अहवालातील विसंगत ७/१२ ची संख्या MIS स्वरूपात सर्व वापरकर्ते यांना उपलब्ध करून दिली आहे. अशा अहवाल १ ते ४१ म्हणजे काय ? व त्या दुरुस्ती च्या अद्ययावत सुविधा या बाबत सविस्तर मार्गदर्शक सूचना सर्व वापरकर्ते यांच्या माहितीसाठी पुन्हा एकदा निर्गमित करणेत येत आहेत. दि.४.७.२०१९ च्या शासन परिपत्रकान्वये सर्व वापरकर्ते यांच्या जबाबदाऱ्या निश्चित करून दिल्या आहेत. त्या प्रमाणे घोषणापत्र ४ करण्याची जबाबदारी उप विभागीय अधिकारी यांना दिली आहे त्या बाबत सर्व संबंधित वापरकर्ते यांचे कडून काम करून घेण्यासाठी समन्वय करण्याची कार्यवाही उप विभागीय अधिकारी यांनी करणे अपेक्षित आहे.

  ODC अहवाल त्याचे महत्व व दुरुस्ती सुविधा 

अहवाल १ – गाव नमुना ७ वरील एकुण क्षेत्र व ७/१२ वरील खात्यांच्या एकुण क्षेत्रांचा मेळ बसत नाही ते सर्व्हे क्र. - (DSD प्रतिबंधित) 

 हस्तलिखित ७/१२ मध्ये अशा पद्धतीने ७/१२ वरील सर्व खातेदारांचे क्षेत्राचा मेळ घेतला जात नव्हता त्यामुळे असंख्य त्रुटी हस्तलिखित ७/१२ मध्ये असून सुद्धा त्या समजून येत नव्हत्या त्या सर्व विसंगती अहवाल १ मध्ये दिसून येतात. दुरुस्ती सुविधा - ई-फेरफार आज्ञावली मधून कलम १५५ च्या आदेशाने अहवाल१ ची दुरुस्ती किंवा ई-फेरफार मधून अहवाल १ ची दुरुस्ती (सुनावणी द्वारे झालेला आदेश) फेरफार घेवून करावी. कलम १५५ च्या आदेशाने खाता दुरुस्ती मधून अहवाल १ चे सर्वे दुरुस्त करता येईल , या मध्ये एक तर अहवाल १ निरंक करावा लागेल किंवा आहे तेव्हढी क्षेत्राची तफावत कायम ठेवावी लागेल , तो कमी जास्त करता येणार नाही .७/१२ वरील भोगवटादार पूर्णपणे निरंक अथवा कंस झाले असलेस आदेश व दस्तावेज फेरफारने खातेदार समाविष्ट करावेत. कलम १५५ चे आदेश काढताना दोन कार्यपद्धती आहेत . १. ज्या त्रुटी मूळ हस्तलिखित ७/१२ मधेच आहेत त्या दूर करण्यापूर्वी अथवा कोणत्याही खातेदाराचे क्षेत्र कमी जास्त होत असल्यास तहसीलदार यांनी कलम १५५ अंतर्गत सुनावणी घेवूनच दुरुस्ती बाबतचे आदेश पारित करावेत. २. ज्या त्रुटी मूळ हस्तलिखित ७/१२ मध्ये नव्हत्या फक्त ऑनलाईन च्या ७/१२ मधेच त्रुटी निर्माण झाल्या असल्यास अशा त्रुटी/ चुका दुरुस्त करण्यासाठी तहसीलदार यांनी सुनावणी घेण्याची गरज नाही त्यासाठी तलाठी यांनी मूळ हस्तलिखित ७/१२ खाते उतारा व फेरफार पाहून ७/१२ वर अथवा खाते उताऱ्यावर दुरुस्ती करण्यासाठी योग्य दुरुस्ती पर्याय निवडून तहसीलदार यांन ऑनलाईन विनंती पाठवावी त्यास तहसीलदार यांनी ऑनलाईन मान्यता द्यावी त्यानंतर तलाठी यांनी सविस्तर / परिपूर्ण दुरुस्ती करून ७/१२ चे पूर्वावलोकन पहावी फेरफार तयार करावा व त्यानंतर परिशिष्ट क तयार करावे त्याची प्रिंट काढून त्यादुरुस्त्यांबाबत तहसीलदार यांना मूळ हस्तलिखित दस्त ऐवज दाखवून परिशिष्ट क मधील कलम १५५ खालील आदेश स्वाक्षरीत करून घ्यावा. अशा स्वाक्षरीत आदेशाची प्रत पाहून मंडळ अधिकारी यांनी सदरचा फेरफार तत्काळ निर्गत करावा. 

  अहवाल क्र. १अ. 

 गाव नमुना ७ वरील एकुण क्षेत्र व ७/१२ वरील खात्यांच्या एकुण क्षेत्रांचा दुपटीपेक्षा जास्त फ़रक असलेले स.नं. ची यादी . या मध्ये फक्त तफावत दुप्पट किंवा त्यापेक्षा जास्त असेल असे ७/१२ ( अहवाल १ मधीलच ) दर्शविले जातात .अशा ७/१२ वर मात्र कोणताही फेरफार किंवा दस्त नोंदणी होणार नाही अशी अट लावलेली आहे . दुरुस्ती सुविधा - ई-फेरफार आज्ञावली मधून कलम १५५ च्या आदेशाने अहवाल १ ची दुरुस्ती किंवा ई-फेरफार मधून अहवाल १ ची दुरुस्ती (सुनावणी द्वारे झालेला आदेश) फेरफार घेवून करावी.कलम १५५ च्या आदेशाने खाता दुरुस्ती मधून अहवाल १ चे सर्वे दुरुस्त करता येईल , या मध्ये एक तर अहवाल १ निरंक करावा लागेल किंवा आहे तेव्हढी क्षेत्राची तफावत कायम ठेवावी लागेल , तो कमी जास्त करता येणार नाही . 

  अहवाल ३ – गाव नमुना १ व ७ मधील क्षेत्रांचा फरक. 

 ज्या गावात आकारबंद भरलेला नाही किंवा अद्यावत करून भरलेला नाही किंवा चुकीच्या पद्धतीने भरला आहे असे सर्वे या अहवालात दाखविले जातात . दुरुस्ती सुविधा – आकाराबंदाप्रमाणे ७/१२ चे क्षेत्र योग्य असलेस अहवाल ३ च्या दुरुस्तीसाठी ODC मधील दुरुस्ती सुविधा क्रमांक 3 वापरून आकारबंदाप्रमाणे क्षेत्र भरून त्यास DBA यांनी मान्यता द्यावी. परंतु क्षेत्र चुकीचे असलेस कलम १५५ च्या आदेशाने क्षेत्र दुरुस्तीचा आदेश हा फेरफारने क्षेत्र दुरुस्ती पूर्ण करावी.अकारबंद भरताना शेती अथवा बिनशेती क्षेत्राचे ७/१२ असले तरीही आकारबंद नेहमी हे.आर. मधेच भरावा. 

  अहवाल ३अ - गाव नमुना १ मधील क्षेत्र दुरुस्तीचा सर्व्हे/गट क्रमांक निहाय गोषवारा. 

 ज्यात अहवाल तीन ची तफावत दुप्पट किंवा त्याचे पटीत आहे असे स.न. यात दिसतात. मात्र अहवाल हा अहवाल ३ च्या दुरुस्तीसाठी च्या सुविधा वापरून निरंक करता येईल 

  अहवाल क्र. ४ - 

 गाव नमुना ७ वरील एकुण क्षेत्र व जिरायत,बागायत,इत्यादी क्षेत्र यांचा मेळ न बसलेले सर्व्हे क्र.ची यादी दुरुस्ती सुविधा- अहवाल ४ च्या दुरुस्तीसाठी ODC दुरुस्ती सुविधा पर्याय क्रमांक अहवाल ४ मध्ये चूकीच्या पद्धतीने दर्शवलेल्या एकूण क्षेत्राची दुरुस्ती या पर्यायाचा वापर करावा. 

  अहवाल ५ - ७/१२ व खाता रजिस्टर मधील खात्यावरील नावांचा फ़रक. 

 दुरुस्ती सुविधा – ODC दुरुस्ती सुविधा पर्याय क्रमांक ५ द्वारे ७ वर असलेले पण खाता रजिस्टर मध्ये नसलेली नावे अद्यावत करणे पर्याय वापरून दुरुस्त्या कराव्यात.

  अहवाल ६- चुकीच्या पद्धतीने भरलेली खातेदारांची नावे. 

 दुरुस्ती सुविधा - ई-फेरफार आज्ञावली मधून कलम १५५ च्या आदेशाने खाता दुरुस्तीची सुविधा वापरून नावे योग्य पद्दतीने दुरुस्त करावीत. हा अहवाल निरंक झालाच पाहिजे अशी अट नाही. या अहवालात कोणत्याही वैयक्तिक , समाईक अथवा संयुक्त खात्यातील एकही खाते राहणार नाही ह्याची दक्षता घ्यावी मात्र सरकार , गायरान , गुरचरण , वन महसूल खाते , महाराष्ट्र शासन या नावाने असलेली खाती या अहवालातून निरंक नाही झाली तरी चालतात.

  

  अहवाल ७- खाता रजिस्टर मध्ये चुकीचे निवडलेले खाता प्रकार -(DSD प्रतिबंधित) 

 दुरुस्ती सुविधा – अहवाल ७ च्या दुरुस्तीसाठी दुरुस्ती पर्याय क्रमांक ७ खाता प्रकार दुरुस्ती सुविधा वापरावी. ऑनलाईन प्रणाली मध्ये अनेक खाते प्रकार असून प्रत्येक खात्याला योग्य खाता प्रकार दिला आहे ना ? ह्याची खात्री करावी. 

  अहवाल ८- फेरफार क्र. नसलेल्या कब्जेदारांची नावे. (फेरफार क्रमांक ०) - (DSD प्रतिबंधित) 

 दुरुस्ती सुविधा – अहवाल ८ च्या दुरुस्तीसाठी दुरुस्ती पर्याय क्रमांक ८ – शून्य फेरफार क्रमांक दुरुस्ती सुविधा वापरावी. तसेच कलम १५५ च्या आदेशाने फेरफार क्रमांकाचे दुरुस्ती पर्याय वापरून देखील दुरुस्ती करता येईल.

  अहवाल ९- चुकीच्या पद्धतीने भरलेले सर्व्हे क्रमांक 

 दुरुस्ती सुविधा - ई-फेरफार मधून आदेश दस्तावेज फेरफार द्वारे सर्वे क्रमांक बदलणे या पर्यायाचा वापर करून योग्य दुरुस्ती करता येईल. या सुविधे शियाय अन्य कोणत्याही सुविधेतून स.न. बदलता येणार नाही ह्याची नोंद घ्यावी. 

  अहवाल १० – १६ आणे पेक्षा जास्त आणेवारी असलेले सर्व्हे क्र. 

 दुरुस्ती सुविधा - ई- फेरफार आज्ञावली मधून सामान्य फेरफार (आदेश व दस्तावेज) द्वारे खातेदाराच्या नावासमोरील आणेवारीचे क्षेत्रात रूपांतर करण्यात यावे. 

  अहवाल ११ – इतर आधिकारात नोंदीचा प्रकार निवडलेला नाही.- (DSD प्रतिबंधित)

दुरुस्ती सुविधा - ई-फेरफार आज्ञावली मधून कलम १५५ च्या आदेशाने इतर अधिकारातील नोंदीचा प्रकार उपप्रकार बदलणे या पर्यायाचा वापर करावा व दुरुस्ती करून घ्यावी . 

  अहवाल १२ – फेरफार क्र .नसलेल्या इतर अधिकारांच्या नोंदी. (फेरफार क्रमांक 0 ) (DSD प्रतिबंधित ) 

 दुरुस्ती सुविधा - ई-फेरफार आज्ञावली मधून कलम १५५ च्या आदेशाने फेरफार क्रमांकाची दुरुस्ती या पर्यायाचा वापर करावा व दुरुस्ती करून घ्यावी. 

  अहवाल १३ – भुधारणा पद्धतीसाठी प्रकार निवडलेला नाही. - (DSD प्रतिबंधित)

दुरुस्ती सुविधा – ई—फेरफार आज्ञावली मधून आदेश दस्तावेज अथवा “भुधारणा प्रकारात बदल" फेरफारने योग्य भूधारणा निवडणे आवश्यक आहे अशी दुरुस्ती केल्या शिवाय हा ७/१२ डिजिटल स्वाक्षरीत देखील होणार नाही. 

  अहवाल १४- ७ भरलेला आहे पण १२ भरलेला नाही. 

 दुरुस्ती सुविधा – पीक पाहणी आज्ञावली (OCU) मधून गाव नमुना नं.१२ मध्ये पीक पाहणी ची माहिती भरावी.मागील तीन वर्षाची पीक पाहणी अद्यावत केल्या शिवाय असा शेती चा ७/१२ डिजिटल स्वाक्षरीत होणार नाही. बिनशेती चे ७/१२ वरील नमुना १२ मध्ये पीक पाहणी च्या नोंदी घेणे बंधनकारक नाही. 

  अहवाल १५ – निरंक अथवा – अथवा 0 अथवा TKN असलेले खाते.- (DSD प्रतिबंधित) 

 दुरुस्ती सुविधा – दुरुस्ती पर्याय क्रमांक १५ निरंक अथवा '-' अथवा '0' अथवा 'TKN' असलेले खाता क्रमांक दुरुस्ती सुविधा वापरावी. 

  अहवाल १६ – खातेदार नसलेल्या ७/१२ ची यादी. - (DSD प्रतिबंधित) 

 दुरुस्ती सुविधा – जर हा निरंक ७/१२ योग्य (अस्तित्वात असल्यास ) असल्यास ई-फेरफार आज्ञावलीमधील “अहवाल१ ची दुरुस्ती” हा पर्याय वापरून नवीन खाते समाविष्ट करावे अथवा जर हा निरंक सातबारा काढून टाकायचा असल्यास अहवाल क्र.१६ ची दुरुस्ती पर्याय वापरून हा ७/१२ नष्ट करावा. 

  अहवाल १७ – खाता रजीस्टर मध्ये असलेले परंतु ७/१२ वर नसलेले खाते क्रमांक. 

 दुरुस्ती सुविधा– ODC दुरुस्ती पर्याय क्रमांक १७ - खाता रजीस्टरमध्ये असलेले परंतु ७/१२ वर नसलेले खाते क्रमांक काढून टाकणेसाठी वापरावा.

  अहवाल १८ – सामाईक खात्या मधील नावांचे क्षेत्र 0% अथवा 100% नसलेल्या खातेदारांची यादी. - (DSD प्रतिबंधित) 

 दुरुस्ती अहवाल - ई-फेरफार आज्ञावली मधून आदेशाने ७/१२ वरील क्षेत्राची दुरुस्ती फेरफारद्वारे खातेदारांच्या नावा समोरील क्षेत्र सामूहिकरीत्या (फक्त एक नावा समोरील ) नमूद करावे अथवा सर्व नावांसमोर (० % अथवा १००% क्षेत्र नमूद करणे ) क्षेत्र नमूद करणे. सामाईक किंवा संयुक्त खात्यावरील प्रत्येक खातेदाराचे नावासमोर क्षेत्र नमूद असावे ( १००%) किंवा कोणाच्याही नावासमोर क्षेत्र नसावे फक्त सामाईक क्षेत्र म्हणून ७/१२ वर दर्शवावे ( ०%) अशा पद्धतीने हा अहवाल निरंक करावा. 

  अहवाल १९ – सर्वे निहाय आणेवारी असलेल्या खातेदारांची यादी. - (DSD प्रतिबंधित) 

 दुरुस्ती सुविधा – ई-फेरफार आज्ञावली मधील आवश्यकते प्रमाणे आदेशाने ७/१२ वरील क्षेत्राची दुरुस्ती / आदेशाने अहवाल १ची दुरुस्ती फेरफार घेऊन खातेदाराच्या नावा समोरील आणेवारीचे क्षेत्रात रूपांतर करण्यात यावे. 

  अहवाल २० – बंद सर्व्हे / गट क्रमांकाची यादी. 

 दुरुस्ती सुविधा – हा अहवाल माहितीस्तव आहे जर या ७/१२ यादी पैकी काही ७/१२ चुकून बंद झाले असून ते पुन्हा चालू करावयाचे असल्यास ई फेरफार आज्ञावली मधून आदेशाने बंद ७/१२ चालू करणे हा फेरफार घ्यावा. मात्र या अहवालातील सर्व ७/१२ अनावश्यकच होते अथवा बंदच असणे आवश्यक होते असे दिसून आल्यास हा अहवाल निरंक करण्याची गरज नाही. 

  अहवाल २१ - ७/१२ वरील एकूण क्षेत्र व क्षेत्राचे एकक या मध्ये तफावत असलेले सर्व्हे क्र. - (DSD प्रतिबंधित) 

 दुरुस्ती सुविधा – जर या ७/१२ वरील क्षेत्र योग्य असल्यास ई-फेरफार आज्ञावली मधून कलम १५५ च्या आदेशाने एकक दुरुस्ती फेरफार घेऊन एकक बदलण्याचा फेरफार घ्यावा अन्यथा जर ७/१२ वरील एकक योग्य असल्यास क्षेत्र दुरुस्ती (शेती) अथवा क्षेत्र दुरुस्ती (एन.ए) ७/१२ साठी या फेरफाराद्वारे योग्य त्या दुरुस्त्या कराव्यात. अथवा क्षेत्र बरोबर आहे आणि एकक सुद्धा बरोबर आहे परंतु क्षेत्र चुकीच्या ठिकाणी लिहिले आहे उदा. एकक आर. चो.मी. आणि क्षेत्र जिरायत मध्ये लिहिले आहे तर या साठी कलम १५५ च्या आदेशाने क्षेत्र दुरुस्ती फेरफार घ्यावा आणि क्षेत्र बिनशेती मध्ये लिहावे. 

  अहवाल २२ – शून्य क्षेत्र असलेले ७/१२ वरील चालू खाता क्रमांक - (DSD प्रतिबंधित )

दुरुस्ती सुविधा – खाते अनावश्यक असलेस ई-फेरफार आज्ञावली मधून कलम १५५ च्या आदेशाने खाता दुरुस्ती फेरफार घेऊन खाते क्रमांक वगळणे ही सुविधा वापरावी अथवा आदेशाने ७/१२ वरील क्षेत्र दुरुस्ती फेरफार क्षेत्र दुरुती करून घ्यावे. 

  अहवाल २३ - पुढील वर्षासाठी पिक पाहणी चा डाटा कॉपी झालेले सर्व्हे क्रमांक. 

 दुरुस्ती सुविधा – ODC दुरुस्ती पर्याय क्रमांक २३ मधे दर्शविलेल्या सुचने नुसार पीक पाहणी आज्ञावली (OCU) मधून पुढील वर्षाचा डाटा नष्ट करणे ही सुविधा वापरावी. 

  अहवाल २४ – एक सारखे असलेल्या सर्व्हे क्रमांक - (DSD प्रतिबंधित)

दुरुस्ती सुविधा – स्पेस असलेने तयार झालेले एक सारखे सर्वे क्रमांक चा हा अहवाल दिला आहे. ई-फेरफार आज्ञावली मधून आदेश दस्तावेज फेरफार ने सर्वे क्रमांक बदलणे हा पर्याय वापरावा व स.न.दुरुस्त करावा तसेच अयोग्य ७/१२ असलेस ७/१२ बंद करावा. 

  अहवाल २५ – भोगवटदार-१ असलेले परंतु १(क) मध्ये असलेले सर्व्हे क्रमांक. – (DSD प्रतिबंधित) 

 दुरुस्ती सुविधा – अहवाल मध्ये दाखविलेले सर्वे न. योग्य असलेस DBA यांचे UC आज्ञावली मध्ये १(क) चे व्यवस्थापन करावे / अहवाल मधील भूधारणा चुकीची असल्यास आदेश दस्तावेज फेरफार ने योग्य भूधारणा व तिचा उपप्रकार निवडून दुरुस्ती करावी. 

  अहवाल २६ - भोगवटदार-२ असलेले परंतु १(क) मध्ये नसलेले सर्व्हे क्रमांक.- (DSD प्रतिबंधित) 

 दुरुस्ती सुविधा - ई-फेरफार आज्ञावली मधून अनोंदणीकृत फेरफार – नियंत्रित सत्ता प्रकारची नोंद या पर्यायाचा वापर करून दुरुस्ती करावी अथवा आदेश दस्तावेज फेरफार द्वारे भोगवटदार वर्ग २ चा १ते१४ मधील योग्य उप प्रकार निवडून दुरुस्ती करावी. 

  अहवाल २७ – खातेदारांचे नाव / नावे निरंक असलेले खाता – सर्व्हे क्रमांक - (DSD प्रतिबंधित) 

 दुरुस्ती सुविधा – अहवाल २७ च्या दुरुस्ती साठी ODC दुरुस्ती पर्याय क्रमांक २७ वापरून खातेदारांचे नाव / नावे निरंक असलेले खाते क्रमांक / नावे काढून टाकणेत यावीत. 

  अहवाल २८ – समान नावांची एका पेक्षा जास्त खाती असलेल्या सर्वे क्रमांक - (DSD प्रतिबंधित) 

 दुरुस्ती सुविधा - ई-फेरफार आज्ञावली मधून खाते एकत्रीकरण करावे अथवा खात्यावरील कलम १५५ च्या आदेशाने खाता दुरुस्ती फेरफार ने खाते निवडक सर्वे वरून वगळणे पर्याय वापरून दुरुस्त करावे. अथवा ई-फेरफार आज्ञावली मधून तलाठी स्तरावरील कलम १५५ च्या आदेशाने चूक दुरुस्ती फेरफार घ्यावा. 

  अहवाल २९ - इतर अधिकारा चा तपशील निरंक असलेले सर्व्हे / गट क्रमांक. 

 दुरुस्ती सुविधा – हस्तलिखित ७/१२ प्रमाणे नोंदी आल्या नसल्यास आदेश दस्तऐवज फेरफारातून अथवा कलम १५५ अन्वये तलाठी चूक दुरुस्ती फेरफार घेऊन इतर हक्कातील माहिती भरून घ्यावी. अथवा ई-फेरफार आज्ञावली मधून तलाठी स्तरावरील कलम १५५ च्या आदेशाने चूक दुरुस्ती फेरफार घ्यावा.

  अहवाल ३० - ७/१२ वरील क्षेत्र लागवडी योग्य आणि बिनशेती क्षेत्र असलेले सर्व्हे / गट क्रमांक - (DSD प्रतिबंधित) 

 दुरुस्ती सुविधा - सदर सातबारा (एकाच ७/१२ वर) शेती व बिनशेती क्षेत्र नमूद असल्यास तो पूर्णतः शेतीचा किंवा बिनशेती क्षेत्र चा करावा त्यासाठी ई-फेरफार आज्ञावली मधील कलम १५५ चा क्षेत्र दुरुस्तीचा आदेश घेऊन योग्य दुरुस्ती करावी. 

  अहवाल ३१- शेती ७/१२ वरील क्षेत्र २० हे.आर.पेक्षा जास्त किंवा बिनशेती ७/१२ वरील क्षेत्र ९९ आर.चौ.मी. पेक्षा जास्त असलेले सर्व्हे क्रमांक - (DSD प्रतिबंधित)

दुरुस्ती सुविधा – सातबारा वर क्षेत्र दुरुस्ती आवश्यक असल्यास ई-फेरफार आज्ञावली मधून कलम १५५ आदेशाने क्षेत्र दुरुस्ती हा फेरफार घ्यावा अन्यथा ७/१२ वरील क्षेत्र व एकक हस्तलिखित ७/१२ प्रमाणे योग्य असल्यास सदर सातबाराचे क्षेत्र २० हेक्टर अथवा ९९ आर पेक्षा जास्त असल्यामुळे सदर सातबारावर फेरफार घेण्यासाठी एकवेळ तहसीलदार यांची मान्यता घ्यावी.त्यानंतर असे ७/१२ या अहवालातून कायमस्वरूपी कमी होतील. मोठ्या क्षेत्राचे ७/१२ म्हणून जरी हा अहवाल दिला असला तरी गावार सरकारी गायरान , गुरचरण , फोरेस्ट , वन अथवा कंपनी कारखाने यांचे अकृषक ७/१२ देखील मोठ्या क्षेत्राचे असू शकतात त्याची खात्री करून हा अहवाल निरंक करणे आवश्यक आहे. अहवाल १ मध्ये आणि मोठ्याक्षेत्राचे सर्वे न. असेल तर त्यावर फेरफार घेण्यासाठी तो दुरुस्त होत नाही तो पर्यंत प्रत्येक वेळेस तहसीलदार यांची मान्यता घ्यावी लागेल. त्या मुळे हा अहवाल निरंक असणे अत्यावश्यक आहे. 

  अहवाल ३२ - अहवाल १ मधील क्षेत्रातील फरक ०.०१ हे.आर. पेक्षा जास्त असलेल्या सर्व्हे क्रमांक ची यादी

 दुरुस्ती सुविधा - ई-फेरफार आज्ञावली मधून कलम १५५ च्या आदेशाने अहवाल १ ची दुरुस्ती हा फेरफार घ्यावा व योग्य ती दुरुस्ती करावी.या अहवालातील सर्वे नंबर फेरफार घेण्यासाठी दुरुस्ती शिवाय फेरफार घेण्यासाठी उपलब्ध असतील. 

  अहवाल ३३ – फेरफाराने खाता विभागणीसाठी पात्र असलेले खाता क्रमांक. - (DSD प्रतिबंधित)

दुरुस्ती सुविधा - ई-फेरफार आज्ञावली मधील फेरफार मुळे होणारी खाते विभागणी हा पर्याय वापरून सदर सर्वे क्रमांकावर खाता विभागणी ही प्रक्रिया पूर्ण करावी. ज्या ज्या फेरफार ने सामाईक अथवा संयुक्त खात्यात काही अंशात: क्षेत्राचे व्यवहार होतात त्या त्या वेळी ही सुविधा वापरून खाता विभाजन करून घ्यावे. 

  अहवाल ३४ – गाव निहाय साजा आणि मंडळ नोंदणीचा अहवाल. 

 दुरुस्ती सुविधा – सदर अहवाल माहितीसाठी देण्यात आला आहे - युजर क्रीएशन ( UC ) मधून प्रत्येक गाव योग्य त्या साजा व मंडळामध्ये नायब तहसीलदार यांनी सामाविष्ट करावे . त्यानंतरच DDM मधील चलन तयार होईल तसेच सर्व नकला वर साजा व मंडळाचे नाव दर्शविण्यात येईल. 

  अहवाल ३५ – इतर अधिकारांमध्ये -- (Double dash) असलेले सर्व्हे / गट क्रमांक.-(DSD प्रतिबंधित)

दुरुस्ती सुविधा – अहवाल ३५ च्या दुरुस्तीसाठी ODC दुरुस्ती पर्याय क्रमांक ३५ वापरुन इतर हक्कातील - - ( डबल डयाश ) निरंक करणेत यावेत. 

  अहवाल ३६ – प्रमाणित फेरफारांचे तपशील किंवा प्रमाणीकरण शेरा निरंक असलेले फेरफार क्रमांक.

दुरुस्ती सुविधा – अहवाल ३६ च्या दुरुस्तीसाठी ई-फेरफार आज्ञावली मधून १५५ च्या आदेशाने फेरफार रजिस्टर दुरुस्ती फेरफार वापरून योग्यती दुरुस्ती करावी किंवा केवळ निरंक प्रमाणीकरण शेरा दुरुस्त करणे करिता ई-फेरफार मध्ये मंडळ अधिकारी यांनी निरंक प्रमाणिकरण शेरा दुरुस्त करणे पर्याय वापरून दुरुस्ती करावी. 

  अहवाल ३७ – खातेदारांच्या नावा मध्ये स्पेस असल्याने तयार झालेले डूप्लीकेट - (DSD प्रतिबंधित) 

 दुरुस्ती अहवाल – अहवाल ३७ च्या दुरुस्तीसाठी ODC दुरुस्ती पर्याय क्रमांक ३७ खाता रजीस्टरमध्ये असलेले परंतु ७/१२ वर नसलेले खाते क्रमांक काढून टाकणे हा पर्याय वापरून दुरुस्ती करावी. 

  अहवाल ३८ – गाव नमुना ७ वरील एकुण आकारणी व ७/१२ वरील खात्यांच्या एकुण आकारणी चा फ़रक. ( हा अहवाल सध्या वगळला आहे ) 

 दुरुस्ती सुविधा – अहवाल ३८ च्या दुरुस्तीसाठी - ७/१२ च्या एकूण आकारणीच्या प्रमाणात भोगवटदार यांच्या क्षेत्राच्या प्रमाणे विभागून देणे बाबत सुविधा लवकरच देनेत येईल, सदयस्थितीत ई-फेरफार आज्ञावली मधून ७/१२ वरील क्षेत्र दुरुस्ती फेरफारमधील आकारणी दुरुस्ती या पर्यायाचा वापर करावा. 

  अहवाल ३९ – चुकीच्या पद्धतीने भरलेली अपाक,ए.कु.मॅ. नावांची खाती. 

 दुरुस्ती सुविधा – अहवाल ३९ च्या दुरुस्तीसाठी ODC दुरुस्ती पर्याय क्रमांक ३९ –चुकीच्या पध्दतीने भरलेली अपाक/ ए.कु.मॅ. ची नावे ही टोपण नावात भरावीत. जर अशी नावे दुसऱ्या ओळीत भरलेली असल्यास ई-फेरफार आज्ञावली मधून कलम १५५ च्या आदेशाने खाते दुरुस्ती फेरफार वापरून योग्य ती दुरुस्ती करावी. 

  अहवाल ४० – खाता मास्टर मध्ये अतिरिक्त नावे असलेल्या खात्यांची सर्व्हे क्रमांक निहाय यादी. 

 दुरुस्ती सुविधा – अहवाल ४० च्या दुरुस्ती साठी ODC दुरुस्ती पर्याय क्रमांक ४० - खाता मास्टर वरील अतिरिक्त नावे काढणे हा पर्याय वापरून अहवाल निरंक करावा. 

  अहवाल ४१ – अहवाल ५- अतिरिक्त - (DSD प्रतिबंधित) 

 दुरुस्ती सुविधा – अहवाल निरंक करणेसाठी दुरुस्ती अहवाल ४१ वापरून खाता विभागणी करावी व कलम १५५ अन्वये खाता दुरुस्ती मधून योग्य ती खात्यातील दुरुस्ती करावी. 

  अहवाल क्र.४२ सातबारा वर एकेरी अवतरण चिन्ह (Single Quote) असलेले सर्व्हे क्रमांक. 

 दुरुस्ती सुविधा :- अहवाल ४२ ची दुरुस्ती – सातबारा वरील एकेरी अवतरण चिन्ह (Single Quote) माहितीची दुरुस्ती हा पर्याय वापरावा. 

  अहवाल क्र.४३(अ) - सरकार अथवा सरकारी विभागाचे खाते यामध्ये एकपेक्षा जास्त नावे असलेल्या खात्यांची यादी. 

 दुरुस्ती सुविधा अहवाल क्र. ४३ (अ) हा माहितीस्तव आहे तथापि अशा खात्यामध्ये सरकार सोबत अन्य खाजगी व्यक्ती असू नयेत असे असल्यास कलम १५५ च्या अआदेशाने खाता दुरुस्ती हा पर्याय वापरून खाते विभाजन करता येईल. 

  अहवाल क्र. ४३ (ब)- सरकार अथवा सरकारी विभागाचे खाते ज्या ७/१२ वर आहे त्या ७/१२ वर इतर खाते असलेल्या सर्व्हे क्रमांकांची यादी 

दुरुस्ती सुविधा - अहवाल क्र. ४३ (ब) हा अहवाल देखील माहितीस्तव दिला आहे तथापि एकाच ७/१२ वर सरकार खाते व खाजगी व्यक्तीची जमीन असू नये अशा सूचना सन २००२ मधेच दिल्या आहेत त्यासाठी योग्य प्रक्रियेने अथवा आदेशाने ७/१२ चे विभाजन करावे. ( या मध्ये सरकार ने पुनर्वसन साठी संपादन केलेल्या जमिनी सरकारी खात्यात समाविष्ट करू नयेत अथवा त्यांना सरकार भूधारणा देवू नये.) ODC अहवाल क्रमांक २,३,४,१४,२३,२९,३१,३२ मध्ये असलेली विसंगती ७/१२ डेटाबेस च्या गुणवत्तेवर थेट परिणाम करत नसल्याने या अहवालातील विसंगती ही एकूण विसंगत सर्व्हे क्रमांक मध्ये घेतलेले नाहीत याची नोंद घ्यावी. 

 आपला 

 रामदास जगताप 

 दि १५.७.२०२१