सात बारा कसा वाचावा ?- गाव नमुना नं. ७/१२ बाबत अधिकची माहिती
सात बारा कसा वाचावा ?
- गाव नमुना नं. ७/१२ बाबत अधिकची माहिती
आपला
रामदास जगताप
राज्य समन्वयक , ई फेरफार प्रकल्प,
महारष्ट्र राज्य , पुणे
दि. ११.५.२०२०
- गाव नमुना नं. ७/१२ बाबत अधिकची माहिती
१. भूमापन
क्रमांक व उपविभाग क्रमांक – म्हणजेच सर्वे नं., गट नं. किंवा खासरा नंबर व
त्याचा पोट हिस्सा
२. भूधारणा
पद्धत – म्हणजेच
जमीन कोणत्या अटीशर्तीवर धारण केली आहे त्याचा संशिप्त तपशील
३. भोगवटादार
वर्ग १ –
म्हणजेच बिनदुमाला जमीन कायमची व हस्तांतरण करण्याच्या हक्कावरील कोणत्याही निर्बंधावाचून
संपूर्ण भोगवटयाच्या अधिकारान्वये किंवा भूमिस्वामी हक्काने धारण करीत असेल अशी
जमिन.
४. भोगवटादार
वर्ग २ – म्हणजेच
बिनदुमाला जमीन कायमची व हस्तांतरण करण्याच्या हक्कावरील निर्बंधाना अधीन राहून
भोगवटयाच्या भूमिस्वामी हक्काने किंवा भूमिधारी हक्काने जमीन धारण करीत असेल अशी
जमिन.
५. सरकार
– म्हणजेच
ही जमीन शासनाच्या मालकीहक्काची आहे.
६. सरकारी
पट्टेदार-
म्हणजेच कलम ३८ प्रमाणे शासनाकडून काही
अटीशर्तीवर भाडेपट्ट्याने जमीन धारण करणारी व्यक्ती.
७. क्षेत्र
एकक – म्हणजेच
यात नमूद केलेल्या जमीन क्षेत्राचे एकक काय आहे. सर्व शेतजमिनी हे.आर.चौ.मी आणि
अकृषिक जमिनीचे क्षेत्र आर.चौ.मी. मध्ये नमूद केले जाते.
८. लागवडीयोग्य
क्षेत्र – म्हणजेच
मूळ जमाबंदीचे वेळी हे क्षेत्र पिकांची लागण करण्यायोग्य होते व त्यावर जमीन महसूल (आकार) निश्चित केला आहे.
९. पोट
खराब –
म्हणजेच मूळ जमाबंदीचे वेळी हे क्षेत्र पिकांची लागण करण्यायोग्य नव्हते व त्यावर
जमीन महसूल (आकार) लावलेला नाही.
१०. पोट
खराब – वर्ग अ - म्हणजेच लागवडीसाठी संपूर्णतया अयोग्य
असलेल्या ज्या जमिनीचे सपाटीकरण, भारावकरून अथवा जलसिंचनाच्या सोयीकरून
लागवडीयोग्य जमीन म्हणून रुपांतरीत करू शकतो ती जमीन होय. उदा. डोंगराळ, खडकाळ
क्षेत्र, नाले, खंदक व पाणी इ. असलेले क्षेत्र
११. पोट
खराब – वर्ग ब - म्हणजेच विशिष्ट प्रयोजनासाठी राखून
ठेवलेल्या व म्हणून लागवडीसाठी उपलब्ध नसलेल्या जमीन क्षेत्र म्हणजेच पोट खराब
वर्ग ब चे क्षेत्र होय. उदा. सार्वजनिक रस्ते, जलप्रवाह/ कालवे, तलाव, स्मशानभूमी,
कोंडवाडा, बारव, इ. असलेले क्षेत्र.
१२. आकार –
म्हणजेच
शेत जमिनीचा शासनास देय असलेला जमिन महसूल
१३. अकृषक
आकार –
म्हणजेच अकृषक प्रयोजनासाठी केलेल्या जमिनीच्या उपयोगासाठी शासनास देय असलेला महसूल किंवा निश्चीत केलेली आकारणी
१४. खाते
नंबर – जमीन
महसूल व उपकार म्हणून शासनास देय रक्कम प्रदानासाठी प्रथम जबाबदार असणाऱ्या व्यक्तीने,
व्यक्तीसमुहाने, किंवा संस्थेने धारणकेलेल्या जमीन क्षेत्राची एकत्रित माहिती दर्शविणाऱ्या
खात्याचा नंबर.
१५. जुडी
किंवा विशेष आकारणी - म्हणजेच दुमालदारांकडील शिल्लक वगळता वसूल पात्र जमीन महसूल
१६. भोगवटादाराचे
नाव - म्हणजेच
जमिनीचे वैध कब्जेदाराचे नाव.
१७. फेरफार
– म्हणजेच
जमिनीचे हक्काचे हस्तांतर, कर्ज बोजे, ईकरार आणि जप्ती आदेशाने होणारे बदल
दर्शविणारे पत्रक.
१८. प्रलंबित
फेरफार – म्हणजेच
हक्काचे हस्तांतर, कर्ज बोजे, ईकरार आणि जप्ती आदेशाने होणारे बदल करण्यातही गाव
नमुना नं. ६ मध्ये घेण्यात आलेले तथापि अद्याप निर्गत न झालेले फेरफार.
आपला
रामदास जगताप
राज्य समन्वयक , ई फेरफार प्रकल्प,
महारष्ट्र राज्य , पुणे
दि. ११.५.२०२०
Comments