स्टेट बँक ऑफ इंडिया चे सोबत पेमेंट गेटवे साठी झाला सामंजस्य करार

नमस्कार मित्रांनो ,

पुणे, दिनांक- 02/08/2019

राज्यात DILRMP (Digital India Land Record Modernization programme) अंतर्गत अधिकार अभिलेखांचे संगणकीकरण करण्याचे काम ई-फेरफार आज्ञावलीद्वारे करण्यात येत आहे. ई- फेरफार आज्ञावलीचा मुख्य उद्देश राज्यातील जनतेला डिजीटल स्वाक्षरीत अधिकार अभिलेख ऑनलाईन उपलब्ध करून देणे हा आहे. त्यासाठी भारतीय स्टेट बँकेच्या SBI e-Pay या payment Gateway चा वापर करण्यात येणार असून त्याबाबतच्या सामंजस्यकरारावर आज जमाबंदी आयुक्त आणि संचालक भूमि अभिलेख (महाराष्ट्र राज्य) पुणे व उपप्रंबधक, भारतीय स्टेट बँक यांची स्वाक्षरी झाली.
या सुविधेमुळे क्रेडीटकार्ड, डेबीटकार्ड, नेटबँकीगचा वापर करून नागरीक /व्यवसायीक वापरकर्ते यांना 7/12 व ८अ च्या डिजीटल स्वाक्षरीत नकला ऑनलाईन शुल्क भरून काढता येणार आहेत. त्यामुळे जनतेला 7/12 व 8अ च्या नक्कले साठी तलाठी /सेतू केंद्र या ठिकाणी जाण्याची आवश्यकता भासणार नाही.