महसुल गावांचे आकारबंद व सर्व गावांचे एकुण भौगोलिक क्षेत्र तहसिलदार यांना कळविणेबाबत.

                  विषय:- महसुल गावांचे आकारबंद व सर्व गावांचे एकुण भौगोलिक क्षेत्र

                              तहसिलदार यांना कळविणेबाबत.

महोदय,

               डिजीटल इंडिया लँड रेकॉर्ड मॉर्डनायझेशन प्रोग्रॅम ( DILRMP) अंतर्गत  7/12 संगणकीकरणाचा       ई-फेरफार प्रकल्प सध्या राज्यभरात कार्यान्वित आहे.  या प्रकल्पामध्ये संगणकीकृत 7/12 च्या डेटा व्हेरिफिकेशन  व डेटा व्हॅलिडीटी साठी विविध अहवालांचे आधारे डेटा ची  तपासणी केली जाते.  प्रत्येक गावातील गाव नमुना नंबर १ ( आकारबंद) व गाव नमुना नंबर ७ वरील क्षेत्राचा ताळमेळ अहवाल ३ मध्ये  घेतला जातो व त्यामध्ये तफावत असल्यास सदरचा गट नंबर / सर्व्हेनंबर अहवाल - ३ मध्ये दर्शविण्यात येतो.  तथापि अनेक महसूली गावांचे अद्यावत आकारबंद (गाव नमुना नंबर १ ) तलाठी कार्यालयात उपलब्ध नसल्याने अहवाल - ३ च्या दुरुस्तीसाठी अडचणी येतात. याबाबत खालीलप्रमाणे सूचना देण्यात येत आहेत.

१)     उपअधीक्षक भूमि अभिलेख यांनी अद्यावत गाव नमुना नंबर १ ( आकारबंद) ची एक प्रत सर्व तहसिलदार यांना गरजेप्रमाणे उपलब्ध करुन द्यावी.

२)     उपअधीक्षक भूमि अभिलेख यांनी संबंधित तहसिलदार यांना सर्व महसूल गावांचे एकूण भौगोलिक क्षेत्र खालील नमुन्यात उपलब्ध करुन द्यावे.