ई-पीक पाहणी मोबाईल ॲप बाबत एक शेतकरी प्रतिक्रिया

               १५ ऑगस्ट,२०२१ पासून  संपूर्ण राज्यात २०२१ च्या खरीप हंगामापासून शेतकऱ्यांनी स्वतःच्या पिकांची नोंद स्वतः  करण्याची सुविधा असेलेल्या  ई पीक पाहणी प्रकल्पाची  प्रत्यक्ष अंमलबजावणी सुरु करण्यात आलेला आहे. ई पीक पाहणी प्रकल्प   महसूल  विभागाच्या वतीने  शेतकऱ्यांना सक्षम करण्यासाठी सुरु करण्यात आलेला असून या  ई-पीक पाहणी मोबाईल ॲपला  महाराष्ट्रातील शेतकऱ्यांचा चांगला प्रतिसाद मिळत असून राज्यात दिनांक २३  सप्टेंबर  अखेर ५५  लक्ष  ९० हजार खातेदार शेतकरी यांनी  ई पीक पाहणी मोबाईल ॲप चा वापर केला आहे .

    ई-पीक पाहणी प्रकल्पामुळे  होणारे फायदे :-

• ई-पीक पाहणी या मोबाईल ॲपमुळे शेतकऱ्यांनी त्यांच्या शेतात लागवड केलेल्या पिकांची अचूक नोंद  ७/१२ वर होणार आहे.

• या ॲपवरील नोंदीमुळे महाराष्ट्र राज्यात, एखाद्या पीकाचे एकूण क्षेत्र किती आहे ? याची अचूक आकडेवारी एका क्लिकवर शासनाकडे उपलब्ध होणार आहे.

• नोंदणीकृत शेतकऱ्यांच्या अचूक पीकपेरा आकडेवारीच्या आधारावर  कृषी उत्पादनाबद्दल अंदाज बांधता येणे  सुद्धा शक्य होणार आहे. यावरुन भविष्यात लागणाऱ्या बी-बियाणे, खते  शेतकऱ्यांना उपलब्ध करुन देणेबाबत नियोजन करणे सहज शक्य होईल.
• पीक विमा योजना किंवा आधारभूत किमतीवर धान खरेदी / कापूस खरेदी साठी, साखर कारखान्याचे ऊस तोडणी नियोजन साठी  अचूक माहिती उपलब्ध होणार.
• मा. मुख्यमंत्री यांनी घोषणा केलेले "विकेल ते पिकेल" यायोजनेसाठीसाठी उपयुक्त.
• विश्वसनीय पिक माहिती आधारे शासनस्तरावर कृषीविषयक कार्यक्षम धोरण आखण्यास मदत.