लॉकडाऊन च्या ३७ दिवसाच्या कालावधीतील वर्क फ्रॉम होम च्या कामकाजाचा आढावा

१. या कालावधीत देखील ई फेरफार प्रकल्पाचे कामकाज सुरळीत सुरु आहे  .
२. जमाबंदी आयुक्त स्वतः झूम मीटिंग च्या माध्यमातून वरिष्ठ स्थरावर मीटिंग घेवून महत्वाचे निर्णय घेत आहेत.
२. राष्ट्रीय सूचना विज्ञान केंद्राची (NIC) संपूर्ण टीम चे देखील कामकाज वर्क फ्रॉम होम द्वारे सुरु आहे.
३. जमाबंदी आयुक्त कार्यालयातील व NIC तील हेल्प डेस्क राज्यातील सर्व तलाठी मंडळ अधिकारी यांना येणाऱ्या अडचणी ऑनलाईन पद्धतीने सोडवत आहेत.
४. राज्यातील ९८.२५ %  म्हणजेच २,४८,२२,९९० गाव नमुना नं. ७/१२ डिजिटल स्वाक्षरीत झाले असल्याने ते सामान्य जनतेला  महाभूमी  पोर्टल च्या  https://aapleabhilekh.mahabhumi.gov.in/DSLR या लिंकवर   ऑनलाईन उपलब्ध होत आहे .  लॉकडाऊन च्या कालावधीत सुमारे १,५०,००० सातबारा डिजिटल स्वाक्षरीत करणेत आले आहेत.
५. या कालावधीत देखील दररोज  सुमारे तीन ते चार हजार डिजिटल  स्वाक्षरीत ७/१२ खातेदारांकडून रक्कम रुपये १५/- चा  ऑनलाईन भरणा करून उपलब्ध करून घेत आहेत.
६. ई हक्क प्रणालीचा वापर करून महाभूमी पोर्टल च्या https://pdeigr.maharashtra.gov.in/frmLogin.aspx  या लिंक चा वापर करून   खातेदार  अथवा बँक / वित्तीय संस्था यांना  फेरफार घेण्यासाठी ऑनलाईन अर्ज करता येत आहे . या २१ दिवसाच्या कालावधीत सुमारे तीन ते चार हजार ऑनलाईन अर्ज तलाठी यांना प्राप्त झाले असून त्यावर प्रक्रिया सुरु आहे. ह्याचा सर्वाधिक  फायदा बँकांना झाल्याचे  दिसून येते.
७. महाभूमी च्या पोर्टल वरून भूलेख https://bhulekh.mahabhumi.gov.in/ या लिंक वरून सुमारे १ ते १.५  लक्ष खातेदार आपला विनास्वाक्षरीत ७/१२ व खाते उतारा प्राप्त करून घेत आहेत.
८. ३७  दिवसांच्या या कालावधीत तलाठी मंडळ अधिकारी यांनी सुमारे ७० ,००० पेक्षा जास्त फेरफार घेवून निर्गत करण्याचे काम केले आहे.
८. तसेच संगणकीकृत ७/१२ मधील त्रुटी दूर करण्यासाठी कलम १५५ प्रमाणे दुरुस्ती चे कामकाज देखील ज्या ठिकाणी अजून फारसा विषाणू संसर्ग झालेला नाही त्या ठिकाणी चालू आहे.
९. राज्य समन्वयक स्थरावरून शासन , NIC, जमाबंदी आयुक्त कार्यालय, शासनाचा माहिती व तंत्रज्ञान विभाग व अन्य विविध विभाग, बँका,  महसूल अधिकारी, तलाठी मंडळ अधिकारी  व सामान्य वापरकर्ते यांच्यात समन्वय राखुण सर्व ऑनलाईन कामकाज सुरळीत सुरु ठेवण्याचे प्रयत्न सुरु आहेत.
१०. या कालावधीत देखील दररोज  सुमारे चार ते साडेचार हजार तलाठी व मंडळ अधिकारी ई फेरफार प्रणाली मध्ये ऑनलाईन कामकाज करत आहेत.
       या कालावधीत ,
१. झूम मिटिंग द्वारे ई चावडी प्रणाली विकसित करताना क्षेत्रीय स्थरावर चालणारे कामकाज व कायदेशीर तरतुदींचा अभ्यास करण्यासाठी डोमेन टीम च्या ऑनलाईन बैठका सुरु आहेत .
२. ३५ जिल्ह्यांपैकी ३४ जिल्ह्यातील सुमारे ११ ,५०० तलाठी  साजा साठी व्हार्चुंअल अकौंट (VAN) तयार करून त्याचे अभिलेख  वितरण प्रणालीत (DDM) मापिंग पूर्ण करण्यात आले असून एप्रिल २०२० पासून ची नक्कल फी बँक ऑफ बडोदा या बँकेत  ऑफलाईन व ऑनलाईन भरण्याची सोय उपलब्ध करून दिली आहे. १ एप्रिल ते ३० एप्रिल २०२० या कालावधीत सुमारे ७. ५० लक्ष रुपये VAN द्वारे जमा देखील करणेत आले आहेत .
३.मार्च २०२० मध्ये विकसित केलेल्या सुमारे २५/३० नविन सुविधा वापरण्यासाठी उप्लाध करून दिल्या आहेत.
४. भारत नेट अंतर्गत ५११५ ग्राम पंचायतीना जोडणी दिलेल्या इंटरनेट कनेक्शन चा वापर तलाठी मंडळ अधिकारी यांना करता येईल का ? ह्याची देखील खात्री केली जात आहे. त्याची यादी सर्व जिल्हाधिकारी यांना पाठवली आहे व नाशिक जिल्ह्यात पायलट प्रकल्प राबविला जात आहे  .

             ई महाभूमी मुळे मात्र महसूल विभागात ऑनलाईन कामकाजाची एक नवीन संस्कृती रुळत आहे व तीच पुढच्या काळात सर्वांना आत्मसात करावी लागेल तरच सामान्य जनतेला आपण खऱ्या अर्थाने न्याय देवू शकू असे मला वाटते . म्हणून तर या लॉकडाऊन च्या काळात देखील दरोज तीन ते चार हजार डिजिटल स्वाक्षरीत ७/१२ सामान्य जनता ऑनलाईन उपलब्ध करून घेत आहेत.