खाता दुरुस्ती दरम्यान प्रमाणित केलेल्या इतर फेरफारांची दुरुस्ती
महाराष्ट्र शासन
महसूल व वन विभाग
जमाबंदी आयुक्त आणि
संचालक भूमी अभिलेख (म.राज्य ) , पुणे
दूसरा व तिसरा मजला , नवीन प्रशासकीय इमारत , विधान भवन समोर , कॅम्प , पुणे 1
---------------------------------------------------------------------------------------------------------------------------
क्रमांक : क्र.रा.भू.4/ रा.स./मा.सु./१४१/२०२०
दिनांक : १०/०४/२०२०
प्रति,
उप जिल्हाधिकारी तथा
डी.डी.ई.(सर्व)
विषय – खाता दुरुस्ती दरम्यान प्रमाणित केलेल्या इतर फेरफारांची दुरुस्ती
महोदय,
DILMRP अंतर्गत सुरु असलेल्या ई
फेरफार प्रणाली कार्यवाही करताना तलाठी यांनी खाता दुरुस्तीची कार्यवाही सुरु
असताना दरम्यान मंडळ अधिकारी यांनी इतर फेरफार प्रमाणित केल्यामुळे निर्माण झालेली
स्थिती दुरुस्त करण्यासाठी सुविधा उपलब्ध करून देणे आवश्यक होते. सबब खालील
प्रमाणे खाता दुरुस्ती दरम्यान प्रमाणित केलेल्या इतर फेरफारांची दुरुस्ती साठी
नवीन सुविधा उपलब्ध करून देणेत येत आहे. वास्तविक कोणताही खाता दुरुस्तीचा फेरफार
घेतल्या नंतर त्या मध्ये समाविष्ट असलेला ७/१२ वर कोणताही अन्य फेरफार घेणे अथवा
प्रमाणित करणे अपेक्षित नव्हते तथापि नजरचुकीने खाता दुरुस्तीसुरु असलेल्या ७/१२
वर अन्य फेरफार घेतला असल्यास अथवा कोणतही अन्य फेरफार प्रामाणि केला असल्यास असे ७/१२
वर चुकीचा अंमल होऊ शकतो त्यासाठी एक नवीन सुविधा देण्यात आली आहे.
तलाठी लॉगीन मध्ये फेरफाराची माहिती भरणे या
पर्यायामध्ये “खाता दुरुस्ती दरम्यान प्रमाणित केलेल्या इतर फेरफारांची दुरुस्ती” हा पर्याय
निवडल्या नंतर येथे खाता दुरुस्ती फेरफार घेतल्या नंतर तो प्रमाणित
करण्यापूर्वी इतर फेरफार प्रमाणित केले
असल्यास असे फेरफार व त्यात समाविष्ट स.नं. दिसून येतील. या पैकी प्रत्येक स.नं.
निवडून जर त्यावर योग्य अंमल झाला असेल तर ७/१२ योग्य आहे असा पर्याय निवडून
साठवावा अथवा ७/१२ वर योग्य अंमल झाला नसेल तर ७/१२ योग्य नाही हा पर्याय निवडून
साठवावा. जे ७/१२ योग्य नाहीत असे निवडले आहेत असे सर्व स.नं. खाता दुरुस्ती व चूक
दुरुस्ती फेरफार घेण्यासाठी उपलब्ध होतील. त्यावर योग्य तो फेरफार घेवून असे
७/१२ दुरुस्त करण्यात यावेत तो पर्यंत या ७/१२ वर अन्य कोणतेही फेरफार घेता येणार
नाहीत ह्याची नोंद घ्यावी.
सदरच्या सर्व सूचना सर्व तलाठी, मंडळ अधिकारी, नायब तहसीलदार व तहसीलदार
यांचे निदर्शनास आणून द्याव्यात ही विनंती.
आपला स्नेहांकित,
स्वाक्षरीत
(रामदास जगताप)
राज्य समन्वयक, ई फेरफार प्रकल्प
जमाबंदी आयुक्त कार्यालय, पुणे
Comments