तहसिलदार यांना कलम १५५ व आदेशाचा डॅशबोर्ड उपलब्ध करून देणेबाबत
नमस्कार मित्रांनो ,
मार्गदर्शक सूचना क्रं.118 रा.भू.अ.आ.का.4/रा.स./ 118 /2019
जमाबंदी
आयुक्त आणि संचालक भूमि अभिलेख,
( महाराष्ट्र राज्य )
पुणे यांचे कार्यालय, पुणे
दिनांक:- 30 /१०/2019.
प्रति,
डी.डी.ई तथा उप
जिल्हाधिकारी(सर्व)
विषय :- तहसीलदार यांना user creation मध्ये कलम १५५ प्रमाणे दुरुस्त्यांना मान्यता देण्याकरिता कलम १५५ व आदेशाचा डॅशबोर्ड उपलब्ध
करून देणेबाबत
उपरोक्त
विषयान्वये तहसीलदार यांना user creation या मोडूल मध्ये तलाठी यांनी कलम १५५ च्या आदेशाने दुरुस्ती करण्याकरता १३
फेरफार प्रकारांकरिता विनंती पाठविल्या जातात त्याची मान्यता देता येते व तद्नंतर त्याचे
परिशिष्ट बनविले जाते व त्याचे फेरफारात रुपांतर
होवून मंडळ अधिकारी यांच्या लोगिन ने फेरफार प्रमाणित केला जातो. याकरिता तहसीलदार
यांच्या लॉगिन ला user creation या मोडूल मध्ये नवीन डॅशबोर्ड
देण्यात आलेले असून त्यामध्ये तलाठी यांनी मान्यतेकरीता पाठविलेल्या सर्व विनंती
दिसतील. या विनंत्या सर्व गावांमध्ये पाहिल्या जातील जे मोठ्या संख्येने
असू शकतात. म्हणूनच येथे गाव निवडण्याची
सुविधादेखील (फिल्टर प्रमाणे) दिलेली आहे जी गावनिहाय विनंत्या दर्शवेल. तसेच यात
यापूर्वी असलेले पर्याय देखील उपलब्ध
असतील ज्यात तहसीलदार प्रथम कलम १५५ चे उपप्रकार निवडू शकतात आणि नंतर गाव निवडून
नंतर त्या बदलांना मान्यता देऊ शकतात.
यामध्ये सर्वप्रथम तहसीलदार यांना user creation मोडूल मध्ये लोगिन करून ड्रॉप डाऊन
सूचीतून गावाचे नाव निवडायचे आहे ( अश्या ड्रॉप डाऊन सूचीमध्ये फक्त ज्या
गावामध्ये तहसीलदार परवानगी / मान्यतेसाठी गट / सर्वे नंबर निवडून विनंती तलाठी यांनी
पाठवली असेल अशीच गावे दिसतील).गाव
निवडल्यानंतर त्या गावातील मान्यतेकरिता उपलब्ध फेरफार प्रकार,दिनांक आणि कॉमा
सेपरेतटेड सर्वे नंबर दिसतील.त्यानंतर सर्वे नम्बर निवडून त्याला मान्यता द्यावी व
माहिती साठवा करावे. तद्नंतर सदर डॅशबोर्ड मध्ये पुढील काम करताना redirect
करण्यासाठी त्याच गावात काम करायचे असल्यास “गावनिहाय कलम १५५ व आदेशाचा डॅशबोर्ड”,जर सर्व गावातील सर्व विनंत्या (मुख्य डॅशबोर्ड ) पहायच्या असल्यास “तहसीलनिहाय कलम १५५ व
आदेशाचा डॅशबोर्ड” आणि जर फेरफार निहाय विनंत्या
बघायच्या असल्यास “फेरफार प्रकारनिहाय कलम १५५ व आदेशाचा
डॅशबोर्ड” हे बटन वापरावे.
तहसीलदार यांना तलाठी यांचेकडून प्राप्त सर्व विनंत्यांना मान्यता केवळ
तीन कार्यालयीन दिवसात देणे अपेक्षित आहे. तहसिलदार यांनी वेळेत मान्यता दिली तरच पुढील
काम होवू शकते हे तहसिलदार यांचे निदर्शनास आणून द्यावे. त्या नंतर तहसिलदार यांचा
परिशिष्ट क मधील स्वाक्षरीचा आदेश पाहूनच मंडल अधिकारी यांनी असा फेरफार प्रमाणित करावा.
सोबत या बाबतचे ऊजर म्यानुअल जोडले आहे .
सदारच्या
सूचना सर्व संबधित वापरकर्ते यांचे निदर्शनास आणाव्यात ही विनंती .
आपला विश्वासू,
( रामदास जगताप )
राज्य समन्वयक, ई-फेरफार प्रकल्प
जमाबंदी आयुक्त कार्यालय (म.राज्य) पुणे.
प्रत,
मा. उप आयुक्त ( महसूल
) विभागीय आयुक्त कार्यालये ( सर्व ) यांना
माहिती साठी
तहसीलदार ( सर्व )
Comments