गुणवत्तापूर्ण कामाच्या तपासणी बाबत सर्व डी डी ई यांना पत्र दिनांक २५.१.२०१८
क्र. /राअआसंका / कक्ष ४ / re –edit ? २०१८
जमाबंदी आयुक्त तथा संचालक भूमी अभिलेख, पुणे
दिनांक २५ /१/२०१८
प्रति,
डी डी ई तथा उप जिल्हाधिकारी (सर्व)
विषय –घोषणापत्र ३ झालेल्या गावांची तपासणी करणे बाबत .
संदर्भ -- या कार्यालयाकडील क्र.रा.भू.अ.आ.का-4/घो.3 तपासणी.1/17 दिनांक 16/10/2017 चे पत्र.
दिनांक ११, १२ व १३ ऑक्टोबर २०१७ व त्यानंतर दिसें, २०१७ व जाने , २०१८ मध्ये या कार्यालयातील पथकाने काही जिल्ह्यात समक्ष भेट देऊन RE edit च्या कामाची नमुना तपासणी केली. त्यामध्ये आढळून आलेल्या प्रमुख त्रुटींचा विचार करता खालील प्रमाणे काळजी घेण्यात यावी.
१) जेवढी गावे तपासली त्या पैकी एकही गावचे मुळ हस्तलिखित ७/१२ मधील १०% तपासणी करून तो ७/१२ तहसीलदार यांनी प्रख्यापित केलेला होता असे दिसून आले नाही . या हस्तलिखित ७/१२ मधेच अनेक तृटी आहेत . या बाबत तहसीलदार यांनी आपले स्थरावर योग्य ती दक्षता खावी .
२) बऱ्याच गावच्या मुळ हस्तलिखित ७/१२ मध्ये जुने फेरफार क्रमांक घेतलेले नाहीत त्यामुळे ते संगणकीकृत ७/१२ मध्ये देखील आलेले नाहीत ( विशेषतः नागपूर विभागातील जिल्हे ). योग्य फेरफार क्रमांक शिवाय ७/१२ अपुंर्ण व अर्थहीन आहे हे आपण ध्यानात घ्यावे .
३) काही जिल्ह्यामध्ये जिल्हाधिकारी यांनी एक लाखापेक्षा कमी कर्जाचे बोजे ७/१२ वर घेणेत येऊ नयेत असे निर्देश परिपत्रक काढून दिले असलेने हस्तलिखीत ७/१२ मधील अनेक बोज्याच्या नोंदी संगणकीकृत ७/१२ वर घेतलेल्या नाहीत त्यामुळे हस्तलिखित ७/१२ व संगणकीकृत ७/१२ मध्ये तफावत दिसून येते . याबाबत योग्य तो फेरफार हस्तलिखित फेरफार नोंदवहीत घेउन त्याचा अंमल हस्तलिखित ७/१२ वर घेणेत यावा म्हणजे अशी तफावत आढळून येणार नाही .
४) काही संगणीकृत ७/१२ मध्ये चुकीचे फेरफार क्रमांक ( मानीव फेरफार क्रमांक ) टाकाणेत आले आहेत व काही ७/१२ वर हस्तलिखित प्रमाणे फेरफार क्रमांक टाकलेले नाहीत .
५) मराठवाड्यात अनेक हस्तलिखित ७/१२ वर खातेदारांची आडनावे लिहिलेली नाहीत तथापि औरंगाबादच्या MASTER TRAINERS च्या विभागीय प्रशिक्षणा नंतर अनेक ठिकाणी अशी आडनावे नमूद करण्यात आली आहेत तथापि इतर हक्कातील खातादाराची आडनावे नमूद करायची शिल्लक आहेत . सर्व खातेदारांची आडनावे ७/१२ वर नमूद करणेत यावीत .
६) अनेक तालुक्यात फक्त मंडळ अधिकार्यांना पालक अधिकारी म्हणून नियुक्त करण्यात आले आहे , पालक अधिकारी म्हणून नायब तहसीलदार , तहसीलदार , उप विभागीय अधिकारी व अन्य उप जिल्हाधिकाऱ्यांनी जबाबदारी घेतलेली नाही .
७)ODC मधील भूधारणा बदललेल्या सर्वे नंबर चा अहवाल प्रत्येक पालक महसूल अधिकाऱ्याने तपासून योग्य असल्याचे त्याच्या तपासणी अहवालात नमूद केले पाहिजे .
८) खाता मास्टर चे काम योग्य रित्या पूर्ण करुनच घोषणापत्र १ तलाठी यांनी केले आहे .
९) अनेक तालुक्यात पालक अधिकार्यांचा १ ते २४ मुद्द्यांचा तपासणी फॉर्म उपलब्ध झाला नाही . अशी तपासणी केलेली नसताना DBA यांनी घोषणापत्र २ केले आहे .
१०) अनेक गावचे ७/१२ ठरवून दिलेल्या बिंदू प्रमाणे तपासणी न करताच व त्यांचे प्रपत्र १ मधील प्रमाणपत्र ( तपासणी केलेल्या गट न. च्या यादी सह ) प्राप्त झाले नसताना घोषणापत्र ३ तहसीलदार यांनी केले आहे .
11 ) काही तालुक्यात भूमी अभिलेख , नोंदणी विभाग व तहसीलदार यांचे कडील महसुली गावांची संख्या जूळत नाही .उप विभागीय अधिकाऱ्यांनी या बाबत संयुक्त बैठक घेऊन तालुक्यातील एकूण महसुली गावांची संख्या व नावे निश्चित करावीत . व दुरुस्ती आवश्यक असल्यास तत्काळ इकडे अहवाल पाठवावा .
12 )अनेक गावात हस्तलिखित गाव नमुना न १(क) वर तहसीलदार यांची प्रतीस्वक्षरी नाही व हस्तलिखित १(क) व संगणकीकृत १(क) मध्ये रुजवात घेतलेली नाही . त्यामुळे भूधारणा कोणती लिहावी या बाबत काही तालाठ्यांमध्ये संभ्रम दिसून येतो . त्याबाबत तहसीलदार यांनी तलाठी यांना योग्य मार्गदर्शन करावे
13 ) काही तालुक्यांत एकाच ७/१२ वर इतर हक्कातील अनेक नोंदी साठी एकाच फेरफार क्रमांक नमूद आहे किंवा एकापेक्षा अधिक ७/१२ वर एकाच फेरफार क्रमांकाने वेगवेगळ्या नोंदी घेनेत आलेल्या आहेत . अश्या फेरफार क्रमांकामुळे पुढे ई फेरफार घेताना अडचणी येऊ शकतात .त्यामुळे मूळ हस्तलिखित ७/१२ वरुन खात्री करून योग्य फेरफार क्रमांक नमूद करावा .
14 ) Re-Edit च्या परीशिस्ट ब च्या आदेशावर तहसीलदार यांची सही असावी, परीशिस्ट ब किती पानांचे आहे? ते नमूद करून शेवटचे पानावर देखील तहसीलदार यांची सही असावी . परीशिस्ट ब च्या आदेशाला तहसील कार्यालयाचा जावक क्रमांक देणेत यावा .
15 ) घोषणापत्र २ झाल्या नंतर परिपूर्ण अचूक संगणकीकृत ७/१२ ची प्रिंट काढून ती ठरवून देलेल्या बिंदूचे ७/१२ तपासून सर्व संबंधित महसूल कर्मचारी / अधिकाऱ्याने प्रपत्र १ मधील प्रमाणपत्र घेनेत यावीत व त्या नंतरच नायब तहसीलदार यांनी घोषणापत्र २ करावे .
१६ ) दिनांक १६/१०/२०१७ च्या परिपत्रकामध्ये नमूद १ ते १५ दस्तऐवजांची संचिका तालुका अभिलेख कक्षात जमा झाले नंतरच तहसीलदार यांनी घोषणापत्र ३ करावे .
या त्रुटि आपले जिल्हात राहणार नाहीत ह्याची दक्षता घ्यावी.
आपला विश्वासू
( रामदास जगताप )
उप जिल्हाधिकारी तथा राज्यासामान्वायक
जमाबंदी आयुक्त आणि संचालक भूमि अभिलेख
यांचे कार्यालय , म. रा.,पुणे
Re-Edit Module मधील घोषणापत्र 1,2,3 सह गुणवत्तापुर्वक काम पुर्ण करण्यासाठी दिनांक १६/१०/२०१७ च्या परिपत्रकाद्वारे १५ मुद्द्यांची चेकलिस्ट
गावाचे नाव: तालुका: जिल्हा:
अ.क्र. कागदपत्राचा तपशील शेरा
1 चावडी वाचन कार्यक्रमाची जाहीर नोटीस .
2 चावडी वाचन कार्यक्रमाचे इतिवृत्त
3 पालक महसूल अधिकार्याचा तपासणी तक्ता
4 Re-Edit कामाचे परिशिष्ट ब आदेशाच्या च्या स्वाक्षरीत प्रती
5 संगणकीकृत गाव न. न.१ (क) ची प्रत
6 संगणकीकृत गाव न.न . ८ अ ची प्रत
7 संगणकीकृत गाव न.न. ७/१२ ची प्रत ( अधिकार्यांनी तपासणी केलेले)
8 प्रपत्र क्रमांक -1 तपासणी करणाऱ्या अधिकारी व कर्मचारी यांनी सादर करावयाचे प्रमाणपत्र
अ) तलाठी यांचे प्रपत्र १ मधील प्रमाणपत्र
ब) मंडळ अधिकारी यांचे प्रपत्र १ मधील प्रमाणपत्र
क) नायब तहसीलदार यांचे प्रपत्र १ मधील प्रमाणपत्र
ड) तहसीलदार यांचे प्रपत्र १ मधील प्रमाणपत्र
इ) उप विभागीय अधिकारी यांचे प्रपत्र १ मधील प्रमाणपत्र
फ) जिल्हाधिकारी अथवा त्यांचे प्रतिनिधी यांचे प्रपत्र १ मधील प्रमाणपत्र
9 प्रपत्र क्रमांक-2 संबंधित तलाठी, मंडळ अधिकारी, नायब तहसिलदार व तहसिलदार यांनी संगणकीकृत 7/12 च्या डाटाच्या अचुकतेबाबत जिल्हाधिकारी यांन सादर करावयाचे प्रपात २ मधील प्रमाणपत्र.
10 अकृषिक जमिनींचे क्षेत्र व आकार रूपांतराचे तहसीलदार यांचे आदेशाची प्रत
11 तालुका समरी रिपोर्ट १ ते १४ ची प्रत
12 तालुका समरी रिपोर्ट १५ ते २८ ची प्रत
13 घोषणापत्र १ ची प्रत
14 घोषणापत्र २ ची प्रत
15 घोषणापत्र ३ ची प्रत
वरील प्रमाणे सर्व संचीया माझेकडे तालुका अभिल्र्ख कक्षात जतन करून ठेवण्यासाठी प्राप्त झाली असल्याने मी तहसीलदार --------- घोषणापत्र ३ करत आहे
दिनांक- / / २०१८ ( तहसीलदार यांचे नाव , पदनाम व स्वाक्षरी )
Comments