वरिष्ठ महसुल अधिकारी यांना ई-फेरफार प्रणाली अंतर्गत संगणकीकृत झालेले गा.न.नं. ७/१२, ८ अ (खाते उतार) आणि गाव नमुना नं. ६ (फेरफार रजि.) कार्यालयीन कामासाठी उपलब्ध करुन देणेबाबत.

महाराष्ट्र शासन

महसूल व वन विभाग

जमाबंदी आयुक्त आणि संचालक भूमी अभिलेख (म.राज्य ) , पुणे

दूसरा व तिसरा मजला, नवीन प्रशासकीय इमारत, विधान भवन समोर, कॅम्प, पुणे

   Email ID :dlrmah.mah@gov.in                    Web site:  https://mahabhumi.gov.in

----------------------------------------------------------------------------------------------क्रमांक: रा.भू.अ.का 4/DDMHO/मा.सु १९० /२०२१                                    दिनांक – ४/२/२०२१

प्रति,                              

          निवासी उपजिल्हाधिकारी तथा

          डिस्ट्रीक डोमेन एक्सपट्र (डी.डी.ई)......(सर्व)

                           विषय-  वरिष्ठ महसुल अधिकारी यांना ई-फेरफार प्रणाली अंतर्गत संगणकीकृत झालेले 

                                           गा.न.नं. ७/१२, ८ अ (खाते उतार) आणि गाव नमुना नं. ६  (फेरफार रजि.)

                                           कार्यालयीन  कामासाठी उपलब्ध करुन देणेबाबत. 

महोदय,

                                     राज्यातील संपुर्ण अधिकार अभिलेखांचे संगणकीकरण ई-फेरफार प्रणालीअंतर्गत करण्यात आलेले असून फेरफार नोंदवून निर्गत करण्याची संपुर्ण प्रक्रिया देखील सन 2015-16 पासून संगणीकीकृत करण्यात आलेली आहे. ई-फेरफार प्रणालीअंतर्गत सुमारे 2 कोटी 53 लक्ष  गाव न.नं. 7/12, 1 कोटी 15  लक्ष गा.नं.6 (फेरफार रजि.) आणि सर्व खाते उतारे डिजीटल स्वरुपात महाभूमी पोर्टलवर सर्वांसाठी उपलब्ध करुन देण्यात आलेले आहेत. तथापी आता यापैकी कोणतेही अभिलेख तलाठी स्तरावर जतन केले जात नाहीत जर कोणत्याही कार्यालयीन कामकाजासाठी या अभिलेखांची गरज असल्यास तलाठी  यांना देखील ते अभिलेख वितरण प्रणालीतून (DDM) मधून सशुल्क /निशुल्क पर्याय वापरून डाऊनलोड करूनच उपलब्ध होतात. सदरचे अभिलेख वरिष्ठ अधिकारी यांना पाहिजे असल्यास ते तलाठी यांच्याकडून उपलब्ध व्हायला विलंब होतो याचा विचार करून नायब तहसिलदार, तहसिलदार, उप विभागीय अधिकारी, उपजिल्हाधिकारी तथा डि. डि. ई व उपायुक्त (महसूल) या ई-फेरफार मध्ये नोंदणी झालेल्या सर्व महसूल अधिका-यांना अभिलेख वितरण प्रणाली (वरिष्ठ अधिकारी- DDMHO) उपलब्ध करुन देण्यात येत आहे.

                       DDMHO या प्रणालीतून https://mahaferfarnas.enlightcloud.com/DDMHO हि लिंक वरुन ई-फेरफार प्रणालीत नोंदणीकृत महसूल अधिकारी यांना त्यांच्या कार्यक्षेत्रातील कोणत्याही गावचे 7/12, खाते उतारे व फेरफार नोंदवही निशुल्क प्रत (फक्त कार्यालयीन कामकाजाकरीता असे वाटरमार्क असलेले अभिलेख)  निशुल्क उपलब्ध करून देण्यात येत आहेत. त्यासाठी या अधिका-यांकडे प्रणालीत नोंदविलेल्या स्वत:चा ई-मेल आयडी, मो.नं. सेवार्थ आयडी  आणि पासवर्ड उपयोगात आणणे आवश्यक राहिल. या प्रणालीतून उपलब्ध होणा-या अभिलेखाच्या प्रत्येक प्रतीवर सांकेतांक क्रमांक, दिनांक आणि संबंधीत अधिका-यांचे नाव व पदनाम छापले जाईल तसेच या अधिका-यांच्या लॉगीन ने किती अभिलेख डाऊनलोड केले आहेत. याचा MIS देखील उपलब्ध असेल सदरचे अभिलेख फक्त कोणत्याही महसूल प्रकरणी कार्यालयीन कामकाजासाठी वापरले जातील याची संबंधीत अधिका-यांनी खबरदारी घेणे आवश्यक आहे. सदरच्या सूचना सर्व वरिष्ठ महसूल अधिकारी यांचे निदर्शनास आणाव्यात

                                                                                                                       आपला विश्वासू

(रामदास जगताप)

उपजिल्हाधिकारी तथा

राज्य समन्वयक, ई- फेरफार

जमाबंदी आयुक्त कार्यालय ,पुणे

प्रत- मा. उपआयुक्त (महसूल), विभागीय आयुक्त कार्यालय (सर्व) यांना माहितीस्तव