सर्व्हे - खाते माहिती अहवाल निरंक करणे बाबत....
मार्गदर्शक
सूचना क्र.१०१ रा.भू.अ.आ.का.4/रा.स./१५ /2019
जमाबंदी आयुक्त आणि संचालक भूमि अभिलेख,
(महाराष्ट्र राज्य ) पुणे यांचे कार्यालय, पुणे
दिनांक: 0५ /0३/2019.
प्रति,
मा. उप
जिल्हाधिकारी तथा डी.डी.ई.(सर्व)
विषय :- सर्व्हे - खाते माहिती अहवाल निरंक करणे बाबत....
महोदय
तलाठी लोगिन ई-फेरफाराच्या मेनुमध्ये सर्व्हे - खाते माहिती या
अहवालात खालील प्रमाणे यादी
दिलेली आहे त्याची दुरुस्ती करणे अथवा योग्य असल्यास तहसिलदार यांची मान्यता घेणे
आवश्यक आहे. त्याशिवाय दिलेल्या यादीतील 7/12 वर फेरफार
घेता येणार नाही शिवाय उपविभागीय अधिकारी यांना सदर गावाचे घोषणापत्र ४ करता येणार नाही. तरी अशा सर्व सर्व्हेची योग्य
ती दुरुस्ती अथवा तहसिलदार यांची मान्यता घेणे आवश्यक राहिल.
कोणत्याही सर्व्हेवर
खालील पैकी त्रुटी असल्यास त्याची यादी सर्व्हे - खाते माहिती उपलब्ध
असेल:-
१. २० हे पेक्षा जास्त क्षेत्राचे शेतीचे ७/१२ व ९९ आर पेक्षा जास्त क्षेत्र
असलेले बिनशेती चे ७/१२
२. क्षेत्र व एकक चूक असलेले ७/१२ (आर चौ.मी. मध्ये असलेले शेती चे ७/१२ व हे. आर.
क्षेत्र असलेले बिनशेती चे ७/१२)
३. एक आर पेक्षा जास्त क्षेत्राची तफावत असलेले अहवाल १ मधील ७/१२
वरीलपैकी कोणतीही त्रुटी असल्यास फेरफार व दस्त नोंदणी साठी अपात्र ठरविणेत
आले आहेत (BLOCK करणेत आले आहेत ) व त्यासाठी फेरफार
घेताना खाली दिलेला विशिष्ट मेसेज देण्यात आला आहे :-
१. २० हे पेक्षा मोठे ७/१२ असल्यास
तलाठी लॉगिनला येणारा मेसेज :-
“सूचना : जे ७/१२ कृषिक आहेत त्या ७/१२ चे
क्षेत्र जर 20 हेक्टर पेक्षा जास्त असल्यास अथवा जे ७/१२ अकृषिक आहेत त्या ७/१२ चे
क्षेत्र
जर 99 आर पेक्षा जास्त
असल्यास त्यांचे क्षेत्र व एकक पुन्हा खात्री करणे आवश्यक आहे. यासाठी २ पर्याय आपणास उपलब्ध आहेत.
पर्याय -
१ : जर क्षेत्र दुरुस्ती चे काम अपूर्ण असल्यास - कलम १५५ च्या आदेशाने क्षेत्र दुरुस्ती चा फेरफार घ्यावा.
पर्याय -
२ : जर या ७/१२ चे क्षेत्र व एकक बरोबर असल्याची आपणास खात्री असल्यास या ७/१२
साठी एकदा तहसीलदार/नायब तहसीलदार
यांची
एकवेळ मान्यता घ्यावयाची आहे. सदर
मान्यता घेण्यासाठी तहसीलदार/नायब तहसीलदार यांना User Creation
Module मध्ये गावातील वरील नमूद
क्षेत्र गटानुसार जास्त क्षेत्र असलेले ७/१२ मान्यतेसाठी उपलब्ध केले आहेत, त्यानुसार कारवाई करावी. म्हणजेच स्थिती नुसार पर्याय-१ किवा पर्याय - २ चा वापर करूनच फेरफार घेता येईल याची
नोंद घ्यावी. “
दुय्यम निबंधक यांचेकडे येणारा मेसेज -
“सदर ७/१२ हा २० हेक्टर पेक्षा मोठा आहे, परंतु या ७/१२ चे क्षेत्र योग्य असल्याचा शेरा तलाठी /
तहसीलदार यांचे स्तरावर प्रलंबित आहे.
तरी तलाठी यांचे मार्फत सदर ७/१२ चे
क्षेत्र यॊग्य असल्याची कार्यवाहीपूर्ण करून घ्यावी . त्यानंतर हा ७/१२
दस्त नोंदणी साठी उपलब्ध
होईल
कृपया याची नोंद घ्यावी.”
2. क्षेत्र व एकक तफावत असलेले ७/१२ :-
तलाठी लॉगिनला येणारा मेसेज-
सदर ७/१२ हा कृषिक असून त्यावरील एकक हे अकृषिक ७/१२ चे म्हणजेच आर.चौ.मी.आहे किंवा सदर
७/१२ हा अकृषिक असून त्यावरील एकक हे कृषिक ७/१२ चे म्हणजेच हे.आर.चौ.मी.आहे, तरी या ७/१२ चे एकक योग्य ते करून घ्यावे
त्यानंतरच या ७/१२ वर फेरफार घेता येईल. यासाठी २ पर्याय आपणास उपलब्ध आहेत. पर्याय
- १ : १५५ क्षेत्र दुरुस्ती आदेश.
पर्याय - 2 : १५५ एकक बदल आदेश.
SRO कडे येणारा मेसेज
अकृषिक:- सदर ७/१२ हा अकृषिक असून त्यावरील एकक हे कृषिक ७/१२ चे म्हणजेच हे.आर.चौ.मी.आहे, तरी या ७/१२ चे एकक संबंधित
तलाठी यांचे मार्फत आंर.चौ.मी करून घ्यावे त्यानंतरच या ७/१२ वर दस्त नोंद घेता येईल याची नोंद घ्यावी.
कृषिक:- दर ७/१२ हा कृषिक असून त्यावरील एकक हे अकृषिक ७/१२ चे म्हणजेच आर.चौ.मी.आहे, तरी या ७/१२ चे एकक संबंधित तलाठी
यांचे मार्फत हे.आर.चौ.मी करून घ्यावे त्यानंतरच या ७/१२ वर दस्त नोंद घेता येईल याची नोंद घ्यावी.
अकृषिक:- सदर ७/१२ हा २० हेक्टर पेक्ष्या मोठा आहे, परंतु या ७/१२ चे क्षेत्र योग्य असल्याचा शेरा तलाठी /तहसीलदार यांचे स्तरावर
प्रलंबित आहे. तरी तलाठीयांचे मार्फत सदर ७/१२ चे क्षेत्र यॊग्य असल्याची कार्यवाहीपूर्ण करून घ्यावी. त्यानंतर हा ७/१२ दस्त नोंदणीसाठी
उपलब्ध होईल कृपया याची नोंद घ्यावी.
कृषिक:-सदर ७/१२ हा ९९ आर पेक्ष्या मोठा आहे, परंतु या ७/१२ चे क्षेत्र योग्य असल्याचा शेरा तलाठी/तहसीलदार यांचे स्तरावर प्रलंबित
आहे. तरी तलाठी यांचे मार्फत सदर ७/१२ चे क्षेत्र यॊग्य असल्याची कार्यवाहीपूर्ण करून घ्यावी. त्यानंतर हा ७/१२ दस्त नोंदणी साठी उपलब्ध
होईल कृपया याची नोंद घ्यावी.
3. अहवाल १ मधील १ आर पेक्षा जास्त क्षेत्राचे तफावत असलेले ७/१२ :-
तलाठी लॉगिनला येणारा मेसेज :
या ७/१२ वरील गाव नमुना ७ चे क्षेत्र व खातेदार यांचे एकूण क्षेत्र यामध्ये
खूपच तफावत आहे- कदाचीत नमुना ७ चे
क्षेत्र हे योग्य भरले आहे
(क्षेत्र
व एकक) परंतु खातेदाराचे क्षेत्र हे चौरस मीटर मध्ये नमूद आहे किंवा 7/12 चे एक़ुण
क्षेत्र व खातेदारांच्या नावासमोरील क्षेत्रात तफावत आहे. यामुळे सदर ७/१२ इ-फेरफार मध्ये फेरफारा साठी घेण्या अगोदर अहवाल-१
दुरुस्तीचा १५५ कलम खाली फेरफार घेऊन योग्य त्या क्षेत्राच्या
दुरुस्त्या पूर्ण कराव्यात.
SRO कडे येणारा मेसेज
अहवाल १ मधील प्रतिबंधित ७/१२ : सदर ७/१२ हा अहवाल १ मध्ये क्षेत्राची तफावत ०.०१ पेक्ष्या जास्त असल्यामुळे तलाठी यांचे मार्फत सदर ७/१२ चे क्षेत्रा बाबत यॊग्य कार्यवाही पूर्ण करून घ्यावी. त्यानंतर हा ७/१२ दस्त नोंदणी साठी उपलब्धहोईल कृपया याची नोंद घ्यावी.
वरील प्रमाणे दर्शविलेल्या तीनही त्रुटी दूर करणेसाठी च्या सुविधा कलम १५५ च्या आदेशाने दुरुस्ती सुविधा मध्ये देणेत आलेल्या आहेत .
1. जर १ आर पेक्षा जास्त क्षेत्राची तफावत असलेले अहवाल १ मधील ७/१२ :-अशा 7/12 ची दुरुस्ती 155 च्या आदेशाने अहवाल-1 ची
दुरुस्ती करुन घ्यावी व 7/12 चे एक़ुण क्षेत्र व खातेदारांच्या नावासमोरील
क्षेत्रात तफावत योग्य त्या आदेशाने दुर करावी.
2. क्षेत्र व एकक चूक असलेले ७/१२ (आर चौ.मी. मध्ये असलेले शेती चे ७/१२ व हे. आर.
क्षेत्र असलेले बिनशेती चे ७/१२) :-
(अ) आर चौ.मी. मध्ये असलेले शेती चे
७/१२ चे एकक 155 च्या आदेशाने एकक बदलणे
मधुन आर चौ.मी चे हे.आर मध्ये रुपांतरीत करावे.
(ब) हे. आर. क्षेत्र असलेले बिनशेती चे ७/१२ असल्यास तलाठी मेनुमधुन
अनोंदणीकृतमधुन बिनशेती असलेल्या 7/12 एकक बदलणे करावे
त्यामुळे संपुर्ण गावातील बिनशेती असलेल्या 7/12 एकक आर.चौ.मी. होईल.
3. २० हे पेक्षा जास्त क्षेत्राचे
शेतीचे ७/१२ व ९९ आर पेक्षा जास्त क्षेत्र असलेले बिनशेतीचे ७/१२ :-असे ७/१२ खरोखरच योग्य असतील ते 7/12
तलाठी यांनी खात्री करून 155 च्या आदेशामधुन तहसीलदार / डी बी ए यांना ऑनलाईन विनंती पाठवील त्या प्रमाणे
तहसीलदार / डी बी ए
यांनी एक वेळ असे ७/१२ योग्य असल्याचे मान्य केले पाहिजे. या नंतर असे ७/१२ ई
फेरफार/दस्त नोंदणीला पात्र समजले जातील.
(नोट : जरी आपण 20 हेक्टर पेक्षा मोठ्या जमिनीसाठी चेक ठेवला आहे तरी आपण तलाठी म्हणून
आपल्या गावातील सर्व जमिनींचे क्षेत्र व एकक तपासून योग्य त्या दुरुस्त्या
करावयाच्य आहेत. आता आपला ७/१२ ची माहिती ही वेगवेगळ्या योजनासाठी देण्यात येणार
आहे त्यामुळे प्रत्येक ७/१२ हा सर्व बाबीने अचूक असावा याची आपणास काळजी घ्यावयाची आहे.)
सदरच्या सूचना सर्व संबंधितांच्या निदर्शनास आणाव्यात ही विनंती.
आपला विश्वासू,
( रामदास जगताप)
राज्य समन्वयक, ई-फेरफार प्रकल्प
राज्य समन्वयक, ई-फेरफार प्रकल्प
जमाबंदी आयुक्त कार्यालय (म.राज्य) पुणे.
प्रत .-
मा . उप आयुक्त ( महसूल ) विभागीय
आयुक्त कार्यालय (सर्व)
उप विभागीय अधिकारी (सर्व)
तहसीलदार (सर्व)
Comments