1. अहवाल-१ मधील त्रुटीयुक्त 7/12 :- गा.न.नं. 7/12 मधील डाव्या बाजुची मुळ क्षेत्राची माहिती व 7/12 वरील खातेदारांच्या क्षेत्राची बेरीज यामध्ये मोठी तफावत असल्याचे दिसून येते याचे प्रमुख कारण मुळ 7/12 चे क्षेत्र हे. आर या एककामध्ये असताना खातेदारांच्या नावासमोर भरलेले क्षेत्र चौ.मी. मध्ये भरलेले आहेत.  त्यामुळे असे सर्व 7/12 अहवाल-१ मध्ये येतात.
2. अवास्तव क्षेत्राचे 7/12:- काही 7/12 मधील क्षेत्र आर चौ.मी.भरले आहे तथापि त्याचे एकक न बदलता हे.आर असे ठेवले आहे त्यामुळे असे 7/12 अवास्तव क्षेत्राचे असल्याचे दिसून येते.
3. चुकीचे एकक असलेले 7/12 :- संगणकीकृत 7/12 मध्ये जो 7/12 शेतीसाठी निवडलेला आहे त्याचे एकक हे.आर व जो 7/12 बिगर शेतीसाठी निवडलेला आहे त्याचे एकक आर चौ.मी. ठेवण्याचे निश्चित केले आहे तथापि अशा पध्दतीने निवडलेल्या 7/12 चे एकक योग्य  न निवडल्याने 7/12 च्या क्षेत्रामध्ये अवास्तव वाढ किंवा घट आल्याचे दिसून येते.  आर चौ.मी. एकक असलेले शेतीचे 7/12 व हे.आर चौ.मी. एकक असलेले बिगरशेतीचे 7/12 हे चुकीचे एकक असलेले 7/12 समजण्यात येतात.

1. अहवाल -१ मधील 0.01 हे.आर पेक्षा कमी तफावत असलेले 7/12 वगळता अन्य 7/12 ई-फेरफार व दस्त नोंदीसाठी प्रतिबंधीत केले आहे.  सर्वसाधारणपणे 7/12 च्या डाव्या बाजुचे क्षेत्र हे.आर मध्ये नमुद असुन खातेदाराच्या नावासमोरील क्षेत्र चौ.मी. मध्ये नमुद केल्यामुळे निर्माण झालेली तफावत महाराष्ट्र जमीन महसूल अधिनियम 1966 चे कलम 155 च्या आदेशाने दुरुस्ती सुविधामधुन दूर करुन असे 7/12 दुरुस्त करण्यात यावेत व अहवाल-१ निरंक करण्यात यावा.
2. 20 हेक्टरपेक्षा जास्त क्षेत्राच्या शेतीचे 7/12 यापुढे ई-फेरफार व दस्त नोंदणीसाठी प्रतिबंधीत करण्यात येत आहेत.  याबाबतचा एक अहवाल तलाठी लॉगीनमध्ये देण्यात आला आहे.  यातील 7/12 महाराष्ट्र जमीन महसूल अधिनियम 1966 चे कलम 155 चे आदेशाने दुरुस्ती सुविधामधुन गरजेप्रमाणे दुरुस्त करुन अहवाल निरंक करावा तथापि गटाच्या हस्तलिखीत 7/12 चे अवलोकन करुन काही वनक्षेत्राचे /कारखान्यांचे/कंपन्याचे 7/12 हे 20 हेक्टरपेक्षा जास्त क्षेत्राचे असल्यास व ते योग्य असल्याची खात्री करुन तलाठी यांनी त्यांचे समर्थनार्थ विश्लेषण नमुद करुन क्षेत्र कायम करण्याबाबतची ऑनलाईन विनंती तहसिलदार / नायब तहसिलदार (DBA) यांना पाठवावी.  त्याचे अवलोकन करुन तहसिलदार / नायब तहसिलदार (DBA) यांनी एकदा मान्यता दिल्यास असे गट कायमस्वरुपी अहवाल-१ मधुन निघुन जातील व ते दस्त नोंदणी व ई-फेरफार साठी पात्र ठरविण्यात येतील.
3. हेक्टर आर मध्ये एकक नमुद असलेल्या बिनशेतीचे 7/12 व चौ.मी. एकक नमुद असलेले शेतीचे 7/12 दस्त ऑनलाईन नोंदणी व ई-फेरफारसाठी प्रतिबंधीत केले आहेत.  असे 7/12 चे एकक महाराष्ट्र जमीन महसूल अधिनियम 1966 चे कलम 155 च्या आदेशाने दुरुस्ती सुविधामधुन दुरुस्त करण्यात यावे त्यानंतरच असे 7/12 दस्त नोंदणी व फेरफारसाठी पात्र ठरविण्यात येतील.

प्रत.

1.मा. उप आयुक्त  (महसूल) (सर्व)           

2. उपविभागीय अधिकारी (सर्व.)