नक्कल फी चा शासन निर्णय ई फेरफार प्रकल्पासाठी ठरणार मैलाचा दगड .

नमस्कार मित्रांनो विषय - “महाभूमी प्रकल्प व्यवस्थापन संस्था सक्षम करण्याबाबत व नक्कल फी बाबत चा शासन निर्णय ” अनेक दिवसांपासून ज्या साठी प्रयत्न चालू होते तो शासन निर्णय आज दि ३१.१.२०१९ रोजी शासनाकडून निर्गमित झाला तो म्हणजे “महाभूमम प्रकल्प व्यवस्थापन संस्था सक्षम करण्याबाबत ” चा शासन निर्णय . या मध्ये ई फेरफार प्रकल्पातून संगणकीकृत झालेले ७/१२ , ८ अ , फेरफार व नमुना ९ ची नोटीस इत्यादी नकला वितरणा बाबतचे शासनाचे धोरण निश्चित झाले आहे व या नक्कल फी मधून काही रक्कम तलाठी यांना कागद , शाही , प्रिंटर मेंटेनन्स , लाईट बील ई खर्चासाठी उपलब्ध होणार आहेतर काही रक्कम या ई फेरफार प्रकल्पाच्या विकसन , सपोर्ट , देखभाल दुरुस्ती साठी खर्च करता येणार आहे त्या मुळे हा शासन निर्णय अपुऱ्या सुविधांसह ७/१२ संगणकीकरणाचे रात्रंदिवस काम करणाऱ्या माझ्या तलाठी बांधवांसाठी व एकूणच ई फेरफार प्रकल्पासाठी नवी दिशा देणारा ठरेल तसेच हा प्रकल्प सक्षमरीत्या चालविण्यासाठी आर्थिक नियोजन करण्यासाठी उपयुक्त ठरणारा एक ऐतिहासिक निर्णय म्हणावा लागेल .मा. महसूल मंत्री महोदयांच्या मान्यतेनंतर वित्त विभागाला या वैशिष्ट्यपूर्ण व शेतकरी बांधवांच्या दृष्टीने महत्वाच्या प्रकल्पाचे पटवून देण्यास मा.अप्पर मुख्य सचिव ( महसूल ) व मा. जमाबंदी आयुक्त साहेब यशस्वी झाले व त्यास सकारात्मक प्रतिसाद देवून मा. वित्त सचिव महोदयांनी सहमती दर्शविली म्हणूनच हे शक्य झाले आहे . गेले अनेक दिवस हा प्रकल्प यशस्वी करण्यासाठी रात्रीचा दिवस करणाऱ्या माझ्या सहकारी मित्रांच्या कष्टाला निश्चित चांगली फळे येतील असा मला विस्वास वाटतो म्हणूच हा शासन निर्णय ई फेरफार प्रकल्पासाठी मैलाचा दगड ठरेल हे मात्र निश्चित . आपला रामदास जगताप दि ३१.१.२०१९