7/12 डिजिटल स्वाक्षरीत करणेपूर्वी त्यावरील क्षेत्र व एकक दुरूस्ती योग्य पध्दतीने करणे बाबत

मार्गदर्शक सुचना क्रं. ७३ क्र.रा.भू.अ.आ.का.4/रा.स/ ७३ /२०१८ जमाबंदी आयुक्त आणि संचालक भूमि अभिलेख, (म.राज्य) पुणे यांचे कार्यालय, पुणे, दिनांक १२.१०.२०१८ प्रति, उपजिल्हाधिकारी तथा डी.डी.ई (सर्व) विषय- 7/12 डिजिटल स्वाक्षरीत करणेपूर्वी त्यावरील क्षेत्र व एकक दुरूस्ती योग्य पध्दतीने करणे बाबत ई-फेरफार प्रणालीत कृषक जमिनीचे 7/12 चे एकक हे. आर. चौ. मी. मध्ये व अकृषक जमिनीचे 7/12 चे एकक आर. चौ. मी. निश्चित केल्याप्रमाणे व तसेच शेती व बिगर शेतीचे 7/12 स्वतंत्र केल्याची कार्यवाही केल्यानंतर तयार होणारे 7/12 चे क्षेत्र व एकक योग्य रित्या रूपांतरीत न केल्याने खालील प्रमाणे त्रृटी निर्माण झालेल्या आहेत. 1. 7/12 शेतीसाठी निवडून आर.चौ. मी. एकक नमुद केले आहे. 2. शेत जमिनीचे 7/12 चे एकक न बदलता फक्त चुकुन क्षेत्र रूपांतरीत केले आहे. 3. 7/12 बिगर शेतीसाठी निवडला आहे. तथापि त्याचे एकक आर.चौ. मी. करून क्षेत्र रूपांतर केले नाही. 4. बिगर शेती क्षेत्राचे अकृषिक क्षेत्र रुंपातरीत केले आहे. मात्र त्याचे एकक हे. आर. चौ.मी मध्येच ठेवले आहे. अशा सर्व त्रृटीमुळे अनेक स.नं. चे व पर्यायाने गावचे भौगोलिक क्षेत्र अवास्तवरित्या वाढलेले दिसुन येते. वरील सर्व त्रृटी दूर करण्यासाठी एकक रूंपातरणाची कार्यवाही करण्याची सुविधा कलम १५५ च्या आदेशाने एकक दुरुस्ती सुविधेमध्ये दिली आहे तसेच क्षेत्र दुरुस्ती ई फेरफार मधून क्षेत्र दुरुस्ती शेती व बिनशेती असे पर्याय वापरून करता येईल कोणत्या स.नं. मध्ये अवास्तव क्षेत्र वाढ किंवा घट झाली आहे. हे ठरविण्यासाठी DBA लॉगीनला क्षेत्रनिहाय स.नं. चा अहवाल उपलब्ध करून दिला आहे. त्याप्रमाणे DBA यांनी गाव निहाय अवास्तव वाढ किंवा घट झालेल्या स.नं. ची यादी काढून तलाठी यांनी त्यांना विचारणा करावी. सर्व तलाठी यांच्या लॉगीनला ई-फेरफार क्षेत्र अहवाल मध्ये खालील प्रमाणे 7 अहवाल देण्यात आले आहेत. ते अहवाल पाहून तलाठी यांनी स.नं. निहाय क्षेत्र व एकक दूरूस्तीकरणे अपेक्षित आहे. 1. कृषिक 7/12 ची यादी ज्यांचे क्षेत्र 50 पेक्षा जास्त आहे व ज्यांचे एकक हे हेक्टर आहे. 2. कृषिक 7/12 ची यादी ज्यांचे क्षेत्र 50 पेक्षा जास्त आहे व ज्यांचे एकक हे हेक्टर .आर.चौ.मी. आहे. 3. बिनशेती 7/12 ची यादी ज्यांचे क्षेत्र 50 पेक्षा जास्त आहे व ज्यांचे एकक हे हेक्टर आहे. 4. बिनशेती 7/12 ची यादी ज्यांचे क्षेत्र 50 पेक्षा जास्त आहे व ज्यांचे एकक हे हेक्टर .आर.चौ.मी. आहे. 5. बिनशेती 7/12 ची यादी ज्यांचे क्षेत्र 999 पेक्षा जास्त आहे व ज्यांचे एकक हे हेक्टर आहे. 6. बिनशेती 7/12 ची यादी ज्यांचे क्षेत्र 999 पेक्षा जास्त आहे व ज्यांचे एकक हे हेक्टर आहे. 7. कृषिक व बिनशेती 7/12 ची यादी ज्यांचे क्षेत्र 50 पेक्षा जास्त आहे व ज्यांचे एकक हे हेक्टर किंवा आर.चौ.मी. आहे. तहसिलदार यांनी MIS मधील क्षेत्र व एकक पडताळणी अहवाल (गाव निहाय एकत्रीत अहवाल) पाहून सर्व गावांचे काम योग्य रित्या झाले असल्याची खात्री करून खालील प्रमाणे प्रमाणपत्र सादर करावे. हे काम योग्यरित्या पुर्ण झाल्याची खात्री उपविभागीय अधिकारी यांनी करावी. डिजिटल स्वाक्षरी करणे पूर्वी प्रत्येक ७/१२ वरील एकक व एकूण क्षेत्र तसेच पोट-खराब क्षेत्र जुळत असल्याची खाती तलाठी यांनी करावी . या सुविधेचा वापर याबाबतचे युजर मॅन्युअल सोबत जोडले आहे. सदरच्या सुचना सर्व वापरकर्ते यांचे निर्दशनास आणाव्यात, ही विनंती. आपला विश्वासु (रामदास जगताप) राज्य समन्वयक, रा.भू.अ.आ.का. जमाबंदी आयुक्त कार्यालय, पुणे प्रत- उपआयुक्त(महसुल) विभागीय आयुक्त कार्यालय (सर्व) यांना माहितीस्तव. प्रत-उपविभागीय अधिकारी, (सर्व) यांना माहितीस्तव. प्रत- तहसिलदार, (सर्व) यांना माहितीस्तव.